കരിങ്കല്ലത്താണി: കോഴിക്കോട്-പാലക്കാട് ദേശീയപാതയിൽ അമ്മിനിക്കാട്ട് സ്വകാര്യ ബസും കാറും കൂട്ടിയിടിച്ച് കാർ ഡ്രൈവർ മരിച്ചു. 12 പേർക്ക് പരിക്കേറ്റു. ചെർപ്പുളശ്ശേരി കാറൽമണ്ണ സ്വദേശി പ്രഭാ നിവാസിൽ സുരേഷിെൻറ മകൻ അരുൺകുമാറാണ് (20) മരിച്ചത്.
ബസ് യാത്രക്കാരായ ഷാഹിദ (23), ആസ്യ (51), അബ്ദുൽ അസീസ് (57), തോട്ടേക്കാടൻ സന (14), നസീബ ഫർസാന (15), അഷ്റഫ് (45), നസീമ (32), ഖദീജ (65), സനൂഫ് (16), മനീഷ (20), യശോദ (74), അപ്പുക്കുട്ടൻ (38) എന്നിവർക്കാണ് പരിക്കേറ്റത്. ഇവരെ പെരിന്തൽമണ്ണ ഇ.എം.എസ് സഹകരണ ആശുപത്രിയിൽ പ്രവേശിപ്പിച്ചു. വെള്ളിയാഴ്ച ഉച്ചക്ക് 12.30ഓടെയാണ് അപകടം.
പെരിന്തൽമണ്ണയിൽനിന്ന് കരിങ്കല്ലത്താണിയിലേക്ക് പോവുകയായിരുന്ന ബസും എതിരെ വന്ന കാറും തമ്മിൽ കൂട്ടിയിടിക്കുകയായിരുന്നു. കാർ പൂർണമായും തകർന്നു. താഴെക്കോട്ടെ ബന്ധുവീട്ടിൽ പോയി മടങ്ങവെയാണ് അരുൺകുമാർ ഓടിച്ച കാർ അപകടത്തിൽപ്പെട്ടത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.