തിരുവനന്തപുരം: കേരള കോൺഗ്രസ് (സ്കറിയ തോമസ്) വർക്കിങ് ചെയർമാൻസ്ഥാനം വി. സുരേന്ദ്രൻ പിള്ള രാജിവെച്ചു. ആറ് ജില്ലാ പ്രസിഡന്റുമാരും അദ്ദേഹത്തോടൊപ്പം രാജിവെച്ചിട്ടുണ്ട്. ഇത്തവണ മത്സര രംഗത്തുണ്ടാകുമെന്ന് സുരേന്ദ്രൻ പിള്ള മാധ്യമങ്ങളെ അറിയിച്ചു.
പത്ത് വർഷം മണ്ഡലത്തിൽ പ്രവർത്തിച്ച തനിക്ക് സീറ്റ് നൽകാതെ ജനാധിപത്യ കേരള കോൺഗ്രസിന് സീറ്റ് നൽകിയതിൽ പ്രതിഷേധിക്കുന്നുവെന്നും അദ്ദേഹം പറഞ്ഞു. അതേസമയം, യു.ഡി.എഫ് സ്ഥാനാർഥിയായി പിള്ള നേമത്ത് മത്സരിക്കുമെന്ന് റിപ്പോർട്ടുകളുണ്ട്.
വിജയ സാധ്യതയില്ലാത്ത കടുതുരുത്തി കേരള കോൺഗ്രസിന് നൽകിയതിൽ പ്രതിഷേധിച്ച് സുരേന്ദ്രൻ പിള്ള രംഗത്തെത്തിയിരുന്നു. തീരുമാനം പുന:പരിശോധിക്കണമെന്നും അദ്ദേഹം ആവശ്യപ്പെട്ടിരുന്നു. എന്നാൽ ഇക്കാര്യം പരിഗണിക്കാൻ ഇടതുമുന്നണി തയാറായില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.