കരിപ്പൂര്: സംസ്ഥാന ഹജ്ജ് കമ്മിറ്റി മുഖേന ഹജ്ജിന് പോകുന്നവരുടെ വിമാനയാത്രാ ഷെഡ്യൂള് പ്രസിദ്ധീകരിച്ചു. സെപ്റ്റംബര് രണ്ടിന് തുടങ്ങി 17 വരെയാണ് കേരളത്തില്നിന്നുള്ള ഹജ്ജ് സര്വിസ്. ഒക്ടോബര് 15 മുതല് 29 വരെയാണ് മടക്കയാത്ര. 16 ദിവസങ്ങളിലായി 19 സര്വിസുകളാണ് നിശ്ചയിച്ചിരിക്കുന്നത്.കൊച്ചിയില് നിന്നാണ് യാത്ര പുറപ്പെടുന്നത്. ജിദ്ദയിലേക്കാണ് കേരളത്തിലെ തീര്ഥാടകര് യാത്രയാകുക. മദീന വഴിയാണ് മടക്കം. സെപ്റ്റംബര് മൂന്ന്, നാല്, അഞ്ച്, ഒമ്പത് തീയതികളിലെ ആദ്യ വിമാനത്തില് യാത്ര ചെയ്യുന്നവര്ക്ക് 43 ദിവസവും മറ്റുള്ളവര്ക്ക് 42 ദിവസവും വരുന്ന രീതിയിലാണ് യാത്ര ക്രമീകരിച്ചിരിക്കുന്നത്.യാത്രാ തീയതിയും വിമാന നമ്പറും പിന്നീട് പ്രസിദ്ധീകരിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.