ധാക്ക: ബംഗ്ലാദേശിൽ ക്ഷേത്രത്തിന്മുന്നിൽ വെച്ച് ഹിന്ദു പൂജാരിയെ കൊലപ്പെടുത്തി. ശ്യാമനോന്ദ ദാസ് (45) ആണ് മരിച്ചത്. ധാക്കയിൽ നിന്ന് 300 കിലോമീറ്റർ അകലെയുള്ള ജെനൈദ ജില്ലയിലാണ് സംഭവം. കൊലക്ക് പിന്നിലെ കാരണമെന്തെന്നറിയില്ലെന്നും പ്രതികളെ ഇത് വരെ പിടികൂടിയിട്ടില്ലെന്നും പൊലീസ് അറിയിച്ചു. ബംഗ്ലാദേശിൽ ഇതിന് മുമ്പും ആക്ടിവിസ്റ്റുകൾ മൃഗീയമായി കൊല ചെയ്യപ്പെട്ടിരുന്നു.
പ്രഭാത പ്രാർഥനകൾക്കായുള്ള സജ്ജീകരണങ്ങൾ ഒരുക്കുന്നതിനിടെ ബൈക്കിൽ എത്തിയ മൂന്നംഗ സംഘം പൂജാരിയെ വടിവാൾ ഉപയോഗിച്ച് വെട്ടിക്കൊലപ്പെടുത്തുകയായിരുന്നുവെന്ന് ജില്ലാ ഭരണകൂട മേധാവി മെഹബൂബുറഹ്മാൻ പറഞ്ഞു. സംഭവത്തിന് ശേഷം പ്രതികൾ രക്ഷപ്പെടുകയായിരുന്നുവെന്നും അദ്ദേഹം വ്യക്തമാക്കി.സംഭവത്തെ കുറിച്ച് കൂടുതൽ പറയാനാവില്ലെന്നും കൊലക്ക് പ്രാദേശിക സ്വഭാവമാണുള്ളതെന്നും അദ്ദേഹം വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.