വാഷിങ്ടൺ: കോവിഡ് പ്രതിരോധ പ്രവർത്തനങ്ങളിൽ ഇന്ത്യയുടെ ഇടപെടലിന് നന്ദിയറിച്ച് ലോകാരോഗ്യ സംഘടന. കോവിഡിനെ പ്രതിരോധിക്കുന്നതിന് ഇന്ത്യയും പ്രധാനമന്ത്രി നരേന്ദ്രമോദിയും നൽകുന്ന പിന്തുണക്ക് നന്ദിയറിയിക്കുന്നതായി ലോകാരോഗ്യ സംഘടന ഡയറക്ടർ ട്വീറ്റ് ചെയ്തു.
ഒരുമിച്ച് പ്രവർത്തിച്ചാൽ മാത്രമേ കോവിഡിനെ പ്രതിരോധിക്കാനാവു. അറിവുകൾ പങ്കുവെച്ച് വൈറസിനെ നമുക്ക് ഇല്ലാതാക്കാം. അതുവഴി ആളുകളുടെ ജീവൻ രക്ഷിക്കാമെന്നും അദ്ദേഹം ട്വീറ്റ് ചെയ്തു. ദക്ഷിണേഷ്യൻ രാജ്യങ്ങൾക്കും ബ്രസീൽ, മൊറോക്കോ തുടങ്ങിയ രാജ്യങ്ങളിലേക്കും ഇന്ത്യ കോവിഡ് വാക്സിന്റെ വിതരണം നടത്തിയിരുന്നു. ദക്ഷിണാഫ്രിക്കക്കും ഇന്ത്യയുടെ കോവിഡ് വാക്സിൻ വൈകാതെ ലഭിക്കുമെന്നാണ് പ്രതീക്ഷിക്കുന്നത്.
നേരത്തെ കോവിഡ് പ്രതിരോധത്തിൽ ഇന്ത്യയുടെ സഹായത്തിന് നന്ദിയറിയിച്ച് ബ്രസീൽ പ്രസിഡന്റ് ജെയിർ ബോൾസനാരോയും രംഗെതത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.