മകനുവേണ്ടി ആ അമ്മ ഡിറ്റക്ടീവായി; 'കൊല്ലപ്പെട്ട യുവതി'യെ കണ്ടെത്തി

അ​ലീ​ഗ​ഢ്: ആ ​അ​മ്മ​ക്ക് അ​ത്ര​ക്ക് ഉ​റ​പ്പു​ണ്ടാ​യി​രു​ന്നു, മ​ക​ൻ നി​ര​പ​രാ​ധി​യാ​ണെ​ന്ന്. മ​ക​ന്റെ നി​ര​പ​രാ​ധി​ത്വം തെ​ളി​യി​ക്കാ​ൻ ഏ​ഴു വ​ർ​ഷ​മാ​യി ​പോ​രാ​ട്ട​ത്തി​ലാ​യി​രു​ന്നു. സ്വ​ന്തം മ​ക​നെ ജ​യി​ലി​ന് പു​റ​ത്തെ​ത്തി​ക്കാ​ൻ അ​വ​ർ ത​ന്നെ കു​റ്റാ​ന്വേ​ഷ​ക​യു​ടെ വേ​ഷ​വും അ​ണി​ഞ്ഞു. മ​ക​ൻ 'കൊ​ന്ന​താ​യി' ആ​രോ​പി​ക്ക​പ്പെ​ട്ട ആ ​പെ​ൺ​കു​ട്ടി​യെ അ​വ​ർ ക​ണ്ടെ​ത്തു​ക​ത​ന്നെ ചെ​യ്തു. ഉ​ത്ത​ർ​പ്ര​ദേ​ശി​ലെ അ​ലീ​ഗ​ഢി​ലാ​ണ് വി​സ്മ​യി​പ്പി​ക്കു​ന്ന സം​ഭ​വം.

2015ലാ​ണ് 15 വ​യ​സ്സു​ള്ള പെ​ൺ​കു​ട്ടി​യെ കാ​ണാ​നി​ല്ലെ​ന്ന് കാ​ട്ടി അ​ലീ​ഗ​ഢി​ലെ ഗോ​ണ്ട പൊ​ലീ​സ് സ്റ്റേ​ഷ​നി​ൽ പി​താ​വ് പ​രാ​തി ന​ൽ​കു​ന്ന​ത്. ദി​വ​സ​ങ്ങ​ൾ​ക്ക് ശേ​ഷം ആ​ഗ്ര​യി​ൽ ഒ​രു പെ​ൺ​കു​ട്ടി​യു​ടെ മൃ​ത​​ദേ​ഹം ക​ണ്ടെ​ത്തി. പെ​ൺ​കു​ട്ടി​യു​ടെ പി​താ​വ് മൃ​ത​​ദേ​ഹം തി​രി​ച്ച​റി​ഞ്ഞ​തോ​ടെ കൊ​ല​ക്കു​റ്റം ചു​മ​ത്തു​ക​യാ​യി​രു​ന്നു​. ഇ​തോ​ടെ ഇ​പ്പോ​ൾ 25 വ​യ​സ്സു​ള്ള വി​ഷ്ണു​വി​നെ അ​റ​സ്റ്റ് ചെ​യ്ത് ജ​യി​ലി​ൽ അ​ട​ച്ചു. പൊ​ലീ​സ് അ​ന്വേ​ഷ​ണ​ത്തി​ൽ തൃ​പ്തി​യി​ല്ലാ​തി​രു​ന്ന വി​ഷ്ണു​വി​ന്റെ മാ​താ​വ് അ​ന്ന് മു​ത​ൽ സ​മാ​ന്ത​ര അ​ന്വേ​ഷ​ണം ആ​രം​ഭി​ച്ചു. ദി​വ​സ​ങ്ങ​ൾ​ക്കു​മു​മ്പ് ഹാ​ഥ​റ​സി​ൽ മ​ത​പ​ര​മാ​യ ച​ട​ങ്ങു​ക​ൾ​ക്കാ​യി പോ​യ​പ്പോ​ഴാ​ണ് 'കൊ​ല്ല​പ്പെ​ട്ട' പെ​ൺ​കു​ട്ടി​യെ ക​ണ്ടെ​ത്തു​ന്ന​ത്. ഉ​ട​ൻ പൊ​ലീ​സി​ൽ വി​വ​രം അ​റി​യി​ച്ചു. പൊ​ലീ​സ് പെ​ൺ​കു​ട്ടി​യെ ക​സ്റ്റ​ഡി​യി​ലെ​ടു​ക്കു​ക​യും കോ​ട​തി​മു​മ്പാ​കെ ഹാ​ജ​രാ​ക്കി ര​ഹ​സ്യ​മൊ​ഴി രേ​ഖ​പ്പെ​ടു​ത്തു​ക​യും ചെ​യ്തു. പെ​ൺ​കു​ട്ടി​യു​ടെ ഡി.​എ​ൻ.​എ പ​രി​ശോ​ധ​ന ഉ​ട​ൻ ന​ട​ത്തു​മെ​ന്നും അ​തി​നു​ശേ​ഷം റി​പ്പോ​ർ​ട്ട് സ​മ​ർ​പ്പി​ക്കു​മെ​ന്നും പൊ​ലീ​സ് അ​റി​യി​ച്ചു.

'ത​ന്റെ മ​ക​നെ കേ​സി​ൽ കു​ടു​ക്കി​യ​താ​ണെ​ന്ന് ബോ​ധ്യ​മു​ണ്ടാ​യി​രു​ന്നു. ഇ​തോ​ടെ അ​വ​ന്റെ നി​ര​പ​രാ​ധി​ത്വം തെ​ളി​യി​ക്കാ​ൻ സ്വ​യം അ​ന്വേ​ഷ​ണം ആ​രം​ഭി​ക്കു​ക​യാ​യി​രു​ന്നു' -മാ​താ​വ് പ​റ​ഞ്ഞു. അ​തേ​സ​മ​യം, ഏ​ഴ് വ​ർ​ഷം മു​മ്പ് ക​ണ്ടെ​ത്തി​യ മൃ​ത​ദേ​ഹം ആ​രു​ടേ​താ​ണ് എ​ന്ന​ത് സം​ബ​ന്ധി​ച്ച് വ്യ​ക്ത​ത വ​രേ​ണ്ട​തു​ണ്ട്.