ഭോപ്പാൽ: 2.4 ലക്ഷം ഡോസ് കോവിഡ് വാക്സിനുമായി മധ്യപ്രദേശിൽ ട്രക്ക് ഉപേക്ഷിക്കപ്പെട്ട നിലയിൽ. നർസിഗപൂർ ജില്ലയിൽ കറേലി ബസ് സ്റ്റാൻഡിന് സമീപമാണ് ട്രക്ക് ഉപേക്ഷിക്കപ്പെട്ട നിലയിൽ കണ്ടെത്തിയത്. കോവാക്സിെൻറ 2.4 ലക്ഷം യൂണിറ്റുകളാണ് ട്രക്കിലുണ്ടായിരുന്നത്.
റോഡരികത്ത് ഉപേക്ഷിക്കപ്പെട്ട നിലയിൽ ട്രക്ക് കിടക്കുന്നുവെന്ന വിവരത്തെ തുടർന്ന് പൊലീസ് സംഭവസ്ഥലത്തെത്തുകയായിരുന്നു. ട്രക്കിെൻറ ഡ്രൈവർ സമീപത്തൊന്നും ഉണ്ടായിരുന്നില്ല. തുടർന്ന് നടത്തിയ പരിശോധനയിലാണ് വാക്സിൻ കണ്ടെത്തിയത്.
ഏകദേശം എട്ട് കോടി രൂപ വില വരുന്ന വാക്സിനാണ് ട്രക്കിലുണ്ടായിരുന്നത്. ട്രക്കിെൻറ ശീതികരണ സംവിധാനത്തിെൻറ പ്രവർത്തനം നിർത്താത്തതിനാൽ വാക്സിന് കേടൊന്നും സംഭവിച്ചിട്ടില്ലെന്ന് പൊലീസ് അറിയിച്ചു. ട്രക്കിെൻറ ഡ്രൈവറേയും ക്ലീനറേയും ഇനിയും കണ്ടെത്താൻ കഴിഞ്ഞിട്ടില്ലെന്നും പൊലീസ് വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.