രാജ്യത്ത്​​ വീണ്ടുമൊരു ചൈനീസ്​ വൈറസി​െൻറ സാന്നിധ്യം; അപകടകാരിയെന്ന്​ റിപ്പോർട്ട്​

ന്യൂഡൽഹി: രാജ്യം കോവിഡി​െൻറ പിടിയിൽ​നിന്ന്​ കരകയറാനാവാതെ നിൽക്കുന്നതിനിടെ മറ്റൊരു ചൈനീസ്​ വൈറസി​െൻറ സാന്നിധ്യം ആശങ്കയുയർത്തുന്നു. ഇന്ത്യൻ കൗൺസിൽ ഓഫ് മെഡിക്കൽ റിസർച്ചി​െൻറ (ഐ.സി.എം.ആർ) പഠനത്തിലാണ്​ ഇന്ത്യയിലുടനീളം പരീക്ഷിച്ച മനുഷ്യ സെറം സാമ്പിളുകളിൽ ക്യാറ്റ് ക്യൂ വൈറസി​െൻറ (സി.ക്യു.വി) ആൻറിബോഡികളുടെ സാന്നിധ്യം കണ്ടെത്തിയത്​. 

ആർത്രോപോഡ് ബോൺ വിഭാഗത്തിൽപ്പെടുന്ന വൈറസാണ്​ സി.ക്യു.വി. ഇതി​െൻറ പ്രധാന വാഹകർ കൊതുകുകളും പന്നികളുമാണ്. ഇവ മനുഷ്യരിൽ മാരക രോഗങ്ങൾക്ക്​ കാരണമായേക്കാമെന്ന്​ പഠനങ്ങൾ പറയുന്നു. ചൈനയിൽ തന്നെയാണ്​ ഈ വൈറസ് കൂടുതലായി റിപ്പോർട്ട് ചെയ്യപ്പെടുന്നത്.

ശാസ്ത്രജ്ഞർ നടത്തിയ പഠനത്തിൽ 883 മനുഷ്യ സെറം സാമ്പിളുകളിൽ രണ്ടെണ്ണത്തിൽ വൈറസി​െൻറ ആൻറിബോഡികൾ കണ്ടെത്തി. ഒരു വ്യക്തിയിൽ വൈറസിനെതിരായ ആൻറിബോഡിയുടെ സാന്നിധ്യം സൂചിപ്പിക്കുന്നത് ആ വ്യക്തിക്ക് ചില സമയങ്ങളിൽ വൈറസ് ബാധിച്ചിട്ടുണ്ടെന്നാണ്.

അതേസമയം, ഇന്ത്യൻ ജേണൽ ഓഫ് മെഡിക്കൽ റിസർച്ചി​െൻറ ഏറ്റവും പുതിയ ലക്കത്തിൽ പ്രസിദ്ധീകരിച്ച പഠനത്തിൽ, പരിശോധിച്ച സാമ്പിളുകളിലൊന്നും യഥാർത്ഥ വൈറസി​െൻറ സാന്നിധ്യം കണ്ടെത്തിയിട്ടില്ലെന്ന്​ പറയുന്നു. ചൈനയിലും വിയറ്റ്നാമിലും സാധാരണയായി റിപ്പോർട്ട് ചെയ്യപ്പെടുന്ന ക്യാറ്റ് ക്യൂ വൈറസ് മനുഷ്യരിൽ മെനിഞ്ചൈറ്റിസ് പോലുള്ള മാരക രോഗങ്ങൾക്ക്​ കാരണമാകുന്നു.

മനുഷ്യ സെറം സാമ്പിളുകളിലെ ആൻറി ബോഡിയുടെ സാന്നിധ്യവും കൊതുകുകളിലെ സി.‌ക്യു.വിയും ഇന്ത്യയിൽ ഈ വൈറസിന്​ സാധ്യതയുണ്ടെന്ന് സൂചിപ്പിക്കുന്നുവെന്ന്​ ശാസ്ത്രജ്ഞർ പറയുന്നു. ഇതി​െൻറ വ്യാപനം മനസ്സിലാക്കാൻ കൂടുതൽ പരിശോധന ആവശ്യമാണെന്നും ഇവർ പറഞ്ഞു.