മുംബൈ: മഹാരാഷ്ട്രയിൽ പ്രധാനമന്ത്രി നരേന്ദ്ര മോദിയുടെ പോസ്റ്ററിന് നേരെ കല്ലെറിഞ്ഞ് യുവാവ്. ബി.ജെ.പി സർക്കാരിന്റെ വീക്ഷിത് ഭാരത് പരിപാടിയുടെ പോസ്റ്ററിന് നേരെയാണ് കല്ലേറ്. സംഭവത്തിന്റെ വീഡിയോയും സമൂഹമാധ്യമങ്ങളിൽ വ്യാപകമാി പ്രചരിക്കുകയാണ്.
നാഗ്പൂരിലെ ചന്ദ്രമണി ബസ് സ്റ്റോപ്പിൽ സ്ഥാപിച്ചിരുന്ന പോസ്റ്ററിന് നേരെയാണ് യുവാവ് കല്ലെറിഞ്ഞത്. മുപ്പത് വയസോളം പ്രായം തോന്നിക്കുന്ന യുവാവ് താൻ സഞ്ചരിച്ചിരുന്ന ബൈക്ക് പാർക്ക് ചെയ്ത് എത്തിയ ശേഷം മോദിയും മറ്റ് ബി.ജെ.പി നേതാക്കളും ഉൾപ്പെടുന്ന പോസ്റ്ററിന് നേരെ കല്ലെറിയുകയായിരുന്നു. മോദിയെ ലക്ഷ്യം വെച്ച് കല്ലെറിയുന്നതും ദൃശ്യങ്ങളിൽ കാണാം.
ഗുജറാത് കോൺഗ്രസ് ചെയർമാൻ ഹിതേന്ദ്ര പിതാഡിയ സംഭവത്തിന് പിന്നാലെ മോദിയെ വിമർശിച്ച് രംഗത്തെത്തിയിരുന്നു. നാഗ്പൂരിൽ പ്രധാനമന്ത്രി നരേന്ദ്ര മോദിക്ക് എതിരെയുള്ള വെറുപ്പ് എന്ന തലക്കെട്ടോടെ വീഡിയോ പങ്കുവെച്ചുകൊണ്ടായിരുന്നു വിമർശനം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.