ന്യൂഡൽഹി: കേന്ദ്ര സർക്കാർ തൊഴിൽ ലഭ്യതയുമായി ബന്ധപ്പെട്ട സർവേ റിപ്പോർട്ട് പ്രസിദ്ധീകരിക്കാത്തതിൽ പ്രതിഷേധിച്ച് നാഷനൽ സ്റ്റാറ്റിസ്റ്റിക്കൽ കമീഷനിലെ രണ്ട് സ്വതന്ത്ര അംഗങ്ങൾ രാജിവെച്ചു. കമീഷെൻറ ആക്ടിങ് ചെയർപേഴ്സൻ കൂടിയായ പി.സി. മോഹനൻ, മറ്റൊരു അംഗം ജെ.വി. മീനാക്ഷി എന്നിവരാണ് രാജി നൽകിയത്.
ഇതോടെ രണ്ട് എക്സ് ഒഫീഷ്യോ അംഗങ്ങളായ അമിതാഭ് കാന്തും ചീഫ് സ്റ്റാസ്റ്റീഷ്യൻ പ്രവീൺ ശ്രീവാസ്തവയും മാത്രമാണ് കമീഷനിലുള്ളത്. കഴിഞ്ഞ മാസം തന്നെ കമീഷൻ റിപ്പോർട്ട് തയ്യാറാക്കിയിരുന്നുവെങ്കിലും കേന്ദ്ര സർക്കാർ പുറത്തു വിട്ടിരുന്നില്ല. പി.സി. മോഹനൻ ജനുവരി 28നാണ് രാജിക്കത്ത് നൽകിയത്.
ഇതിന് പിന്നാലെ മീനാക്ഷിയും രാജിവെച്ചു. കമീഷനിൽ ഫലപ്രദമായി പ്രവർത്തിക്കാനാവാത്തതിനാലാണ് രാജിവെച്ചതെന്നും റിപ്പോർട്ട് പ്രസിദ്ധീകരിക്കാത്തത് ഒരു കാരണമാണെന്നും പി.സി. മോഹനൻ പറഞ്ഞു. റിപ്പോർട്ടിന് അനുമതി നൽകിയെങ്കിലും പ്രസിദ്ധീകരിക്കാത്തത് എന്തുകൊണ്ടാണെന്ന് അറിയില്ലെന്നും അദ്ദേഹം കൂട്ടിച്ചേർത്തു. രാജിവെച്ചവർക്ക് 2020 ജൂൺ വരെ കാലാവധിയുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.