ന്യൂഡൽഹി: പാർലമെൻറ് വർഷകാല സമ്മേളനത്തിൻെറ ആദ്യഘട്ടത്തിൽ കോൺഗ്രസ് ഇടക്കാല അധ്യക്ഷ സോണിയ ഗാന്ധിയും മകൻ രാഹുൽ ഗാന്ധിയും പങ്കെടുക്കില്ല. ചികിൽസക്കായി സോണിയ വിദേശത്തേക്ക് പോകുന്നതിനാലാണ് ഇരുവരും സമ്മേളനത്തിൽ നിന്ന് വിട്ടുനിൽക്കുന്നത്. സോണിയക്കൊപ്പം രാഹുലും പ്രിയങ്കയും പോകുന്നുണ്ട്.
പാർലമെൻറിൽ വിവിധ വിഷയങ്ങളിൽ എന്ത് നിലപാട് സ്വീകരിക്കണമെന്നത് സംബന്ധിച്ച് സോണിയ പാർട്ടി എം.പിമാർക്ക് നിർദേശം നൽകിയിട്ടുണ്ട്. സാമ്പത്തികരംഗത്തെ പ്രതിസന്ധിയും കോവിഡ് നേരിടുന്നതിൽ എൻ.ഡി.എ സർക്കാറിൻെറ പരാജയവും കോൺഗ്രസ് ഉയർത്തുമെന്നാണ് സൂചന.
പാർട്ടി വക്താവ് രൺദീപ് സിങ് സുർജേവാലയാണ് സോണിയ ഗാന്ധി ചികിൽസക്കായി വിദേശത്തേക്ക് പോകുന്ന വിവരം ട്വിറ്ററിലൂടെ അറിയിച്ചത്. സെപ്റ്റംബർ 14നാണ് പാർലമെൻറിൻെറ വർഷകാല സമ്മേളനം ആരംഭിക്കുന്നത്. കോവിഡിൻെറ പശ്ചാത്തലത്തിൽ കർശന സുരക്ഷയോടെയാണ് സമ്മേളനം നടക്കുന്നത്. പരമാവധി നാല് മണിക്കൂർ മാത്രമായിരിക്കും സഭ ചേരുകയെന്ന് റിപ്പോർട്ടുകളുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.