നീന്തുന്നതിനിടെ യുവാവ് ദേഹത്തു വീണ് വയോധികൻ മരിച്ചു

മും​ബൈ: നീന്തൽക്കുളത്തിൽ നീന്തുകയായിരുന്നയാൾ ദേഹത്തേക്ക് മറ്റൊരാൾ ചാടിയതിനെ തുടർന്ന് മരിച്ചു. 72 കാരനായ വിഷ്ണുസമന്ത് ആണ് മരിച്ചത്. മുംബൈയിലെ സ്വിമ്മിങ് പൂളിൽ വിഷ്ണു സമന്ത് നീന്തുന്നതിനിടെ ഉയരത്തിൽ നിന്ന് 20 കാരനായ യുവാവ് കുളത്തി​േലക്ക് ചാടുകയായിരുന്നു.

യുവാവ് വന്ന് വീണത് നീന്തുകയായിരുന്ന വിഷ്ണു സമന്തിന്റെ ദേഹത്താണ്. കഴുത്തിലും ദേഹത്ത് മറ്റിടങ്ങളിലും വിഷ്ണുവിന് മുറിവേറ്റിട്ടുണ്ട്. ഇയാളെ സമീപത്തെ ആശുപത്രിയിൽ എത്തിച്ചപ്പോഴേക്കും മരണം സംഭവിച്ചു. സംഭവത്തിൽ 20 കാരനെതിരെ അശ്രദ്ധമൂലമുള്ള നരഹത്യക്ക് കേസെടുത്തു.