ദേശസ്നേഹികൾ ജനിക്കാൻ ‘ഗർഭ സംസ്കാർ’ കാമ്പയിനുമായി ആർ.എസ്.എസ് സംഘടന

ന്യൂ​ഡ​ൽ​ഹി: ‘ദേ​ശ​സ്നേ​ഹി​ക​ളും സം​സ്കാ​ര​മു​ള്ള​വ​രു​മാ​യ’ കു​ട്ടി​ക​ൾ ജ​നി​ക്കാ​ൻ ‘ഗ​ർ​ഭ സം​സ്കാ​ർ’ കാ​മ്പ​യി​നു​മാ​യി ആ​ർ.​എ​സ്.​എ​സ് അ​നു​കൂ​ല സം​ഘ​ട​ന​യാ​യ സം​വ​ർ​ധി​നി ന്യാ​സ്. ഗ​ർ​ഭി​ണി​ക​ളെ ഭ​ഗ​വ​ദ്ഗീ​ത​യും രാ​മാ​യ​ണ​വും സം​സ്കൃ​ത മ​ന്ത്ര​ങ്ങ​ളും പാ​രാ​യ​ണം ചെ​യ്യി​ക്കു​ക വ​ഴി ‘ദേ​ശ​ഭ​ക്ത​രാ​യ’ കു​ട്ടി​ക​ളു​ടെ ജ​ന​നം സാ​ധ്യ​മാ​ക്കു​ക​യാ​ണ് ല​ക്ഷ്യ​മെ​ന്ന് ന്യാ​സ് ഭാ​ര​വാ​ഹി​ക​ൾ വാ​ർ​ത്ത ഏ​ജ​ൻ​സി​യോ​ട് പ​റ​ഞ്ഞു. കു​ട്ടി​ക്ക് ര​ണ്ടു വ​യ​സ്സാ​കു​ന്ന​തു​വ​രെ ഇ​ത് തു​ട​രും. ഭാ​ര​ത നി​ർ​മാ​ണ​ത്തി​ൽ പ​ദ്ധ​തി നി​ർ​ണാ​യ​ക പ​ങ്കു വ​ഹി​ക്കുമെന്ന് അ​വ​ർ അ​വ​കാ​ശ​പ്പെ​ട്ടു.

മാ​താ​പി​താ​ക്ക​ൾ സം​സ്‌​കൃ​ത മ​ന്ത്ര​ങ്ങ​ൾ ചൊ​ല്ലു​ന്ന​ത് ഗ​ർ​ഭ​സ്ഥ​ശി​ശു​ക്ക​ളു​ടെ ത​ല​ച്ചോ​റി​ന്റെ വി​കാ​സ​ത്തി​ലും വ​ള​ർ​ച്ച​യി​ലും സ്വാ​ധീ​നം ചെ​ലു​ത്തും. ഇ​ത് കു​ഞ്ഞി​ന് പോ​സി​റ്റി​വ് വൈ​ബ്രേ​ഷ​ൻ ന​ൽ​കും. നാ​ലാം മാ​സം മു​ത​ൽ മാ​താ​പി​താ​ക്ക​ൾ ഗ​ർ​ഭ​സ്ഥ​ശി​ശു​വു​മാ​യി ഭാ​ര​ത​ത്തെ​ക്കു​റി​ച്ചും കു​ടും​ബാം​ഗ​ങ്ങ​​ളെ കു​റി​ച്ചും സം​സാ​രി​ക്കും. മ​ഹാ​ന്മാ​രു​ടെ ക​ഥ​ക​ളും പ​റ​ഞ്ഞു​കൊ​ടു​ക്കും.

സാ​ധാ​ര​ണ പ്ര​സ​വം സാ​ധ്യ​മാ​ക്കാ​ൻ മാ​താ​വി​നെ യോ​ഗ​യും അ​ഭ്യ​സി​പ്പി​ക്കു​മെ​ന്ന് അ​വ​ർ പ​റ​ഞ്ഞു. ആ​ർ.​എ​സ്.​എ​സി​നൊ​പ്പം പ്ര​വ​ർ​ത്തി​ക്കു​ന്ന വ​നി​ത സം​ഘ​ട​ന​യാ​യ രാ​ഷ്ട്ര​സേ​വി​ക സം​ഘി​ന്റെ വി​ഭാ​ഗ​മാ​യ സം​വ​ർ​ധി​നി ന്യാ​സു​മാ​യി ബ​ന്ധ​പ്പെ​ട്ട് പ്ര​വ​ർ​ത്തി​ക്കു​ന്ന ഡോ​ക്ട​ർ​മാ​ർ വ​ഴി​യാ​ണ് പ​ദ്ധ​തി ന​ട​പ്പാ​ക്കു​ക. ഇ​തി​നാ​യി രാ​ജ്യ​ത്തെ അ​ഞ്ചു മേ​ഖ​ല​ക​ളാ​യി തി​രി​ച്ചി​ട്ടു​ണ്ട്.

ഓ​രോ മേ​ഖ​ല​യി​ലും 10 ഡോ​ക്ട​ർ​മാ​രു​ടെ ടീ​മു​ണ്ടാ​കും. ഓ​രോ ഡോ​ക്ട​റും അ​വ​ര​വ​രു​ടെ പ്ര​ദേ​ശ​ങ്ങ​ളി​ൽ 20 ഗ​ർ​ഭ​ക്കേ​സു​ക​ൾ എ​ടു​ത്ത് പ്ര​വ​ർ​ത്ത​നം ആ​രം​ഭി​ക്കും. മേ​ൽ​നോ​ട്ടം വ​ഹി​ക്കാ​ൻ എ​ട്ടം​ഗ കേ​ന്ദ്ര സം​ഘ​വും രൂ​പ​വ​ത്ക​രി​ച്ചി​ട്ടു​ണ്ട്. ഇ​തി​ൽ ആ​യു​ർ​വേ​ദ, ഹോ​മി​യോ​പ്പ​തി, അ​ലോ​പ്പ​തി ഡോ​ക്ട​ർ​മാ​രും ‘വി​ഷ​യ’ വി​ദ​ഗ്ധ​രു​മു​ണ്ടാ​കും. പ​ദ്ധ​തി​യു​ടെ ഓ​ൺ​ലൈ​ൻ ഉ​ദ്ഘാ​ട​ന ച​ട​ങ്ങി​ൽ തെ​ല​ങ്കാ​ന ഗ​വ​ർ​ണ​ർ ത​മി​ഴി​സൈ സൗ​ന്ദ​ര​രാ​ജ​നും വി​ശി​ഷ്ട വ്യ​ക്തി​ക​ളും പ​ങ്കെ​ടു​ക്കു​മെ​ന്നും ഭാ​ര​വാ​ഹി​ക​ൾ പ​റ​ഞ്ഞു.