പെൺകുട്ടിയെ ബലാത്സംഗം ചെയ്ത് വീഡിയോ പകർത്തി; ഭീഷണിപ്പെടുത്തി വീണ്ടും കൂട്ടബലാത്സംഗത്തിനിരയാക്കി

കൊൽക്കത്ത: പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്ത് വിഡിയോ പകർത്തുകയും പിന്നീട് ദൃശ്യങ്ങൾ ഉപയോഗിച്ച് ഭീഷണിപ്പെടുത്തി പലതവണ കൂട്ടബലാത്സംഗത്തിനിരയാക്കുകയും ചെയ്തു. പശ്ചിമബംഗാളിലെ ബിർഭും ജില്ലയിലെ ബോൽപൂരിലാണ് ക്രൂരസംഭവം നടന്നത്.

പെൺകുട്ടിയുടെ മാതാവ് പൊലീസിൽ പരാതി നൽകിയപ്പോഴാണ് സംഭവം പുറത്തറിയുന്നത്. പൊലീസ് നാല് യുവാക്കളെ അറസ്റ്റ് ചെയ്തിട്ടുണ്ട്.

പെൺകുട്ടിയെ വൈദ്യ പരിശോധനയ്ക്കായി ബോൽപൂർ ആശുപത്രിയിൽ പ്രവേശിപ്പിച്ചിരിക്കുകയാണ്.