ഷില്ലോങ്: മേഘാലയ തെരഞ്ഞെടുപ്പ് പ്രചാരണത്തില്‍ പെങ്കടുത്ത കോൺഗ്രസ് അധ്യക്ഷൻ രാഹുൽ ഗാന്ധി ധരിച്ചത് വിലയേറിയ ജാക്കറ്റെന്ന ആരോപണവുമായി ബി.ജെ പി. 63,400 രൂപ വില വരുന്ന ബ്രാൻറഡ് ജാക്കറ്റാണ് രാഹുൽ ധരിച്ചിരുന്നത്.
കോണ്‍ഗ്രസ് തെരഞ്ഞെടുപ്പ് പ്രചാരണത്തിന് തുടക്കം കുറിച്ചു കൊണ്ടുള്ള ‘സെലിബ്രേഷന്‍ ഒാഫ് പീസ്’ എന്ന സംഗീത പരിപാടിയിലാണ് ബ്രിട്ടീഷ് കമ്പനിയായ ബർബെറിയുടെ കറുത്ത ജാക്കറ്റും ജീൻസും ധരിച്ച് 47 കാരനായ പാർട്ടി അധ്യക്ഷൻ എത്തിയത്.
So @OfficeOfRG , soot(pun intended!)-boot ki sarkar with ‘black’ money fleeced from Meghalayan State exchequer by rampant corruption? Instead of singing away our woes, you could have given a report card of your inefficient govt in Meghalaya! Your indifference mocks us! pic.twitter.com/sRvj5eoyRb
— BJP Meghalaya (@BJP4Meghalaya) January 30, 2018
രാഹുൽ ധരിച്ച ജാക്കറ്റിെൻറ മോഡലും വിലയും ബ്രാന്‍ഡും വ്യക്തമാക്കുന്ന ചിത്രവും രാഹുല്‍ പരിപാടിയില്‍ പങ്കെടുക്കുന്ന ചിത്രവും ചേര്‍ത്തുവച്ചുള്ള ട്വീറ്റിലൂടെയാണ് മേഘാലയ ബി.ജെ.പി രാഹുലിനെതിരെ വിമര്‍ശനമുയര്‍ത്തിയിരിക്കുന്നത്.
രാഹുൽ വിമാനയാത്രയിൽ സഹയാത്രികെയ ബാഗേജ് ഒതുക്കിവെക്കാൻ സഹായിക്കുന്ന ചിത്രമടങ്ങിയ ട്വീറ്റുമായാണ് കോൺഗ്രസ് അനുകൂലികൾ ആരോപണത്തെ എതിരിട്ടത്.
പ്രധാനമന്ത്രി ധരിച്ച സ്യൂട്ട് ലേലം ചെയ്തവരാണ് രാഹുലിെൻറ ജാക്കറ്റിനെ പരിഹസിക്കുന്നതെന്ന് േകാൺഗ്രസ് നേതാവ് രേണുക ചൗധരി പ്രതികരിച്ചു.
2015 ല്‍ അമേരിക്കന്‍ പ്രസിഡൻറ് ബറാക് ഒബാമയുമായുള്ള കൂടിക്കാഴ്ചയില്‍ പ്രധാനമന്ത്രി നരേന്ദ്ര മോദി 11 ലക്ഷത്തിെൻറ സ്യൂട്ട് ധരിച്ചതിനെ വിമര്‍ശിച്ച് രാഹുല്‍ ഗാന്ധി രംഗത്തെത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.