ഗോ​ദ്​​സെ​യെ പ്ര​ശം​സി​ച്ച പ്ര​ജ്ഞ​സി​ങ്​ ലോ​ക്​​സ​ഭ​യി​ൽ മാ​പ്പു​പ​റ​ഞ്ഞു

ന്യൂ​ഡ​ൽ​ഹി: മ​ഹാ​ത്മ ഗാ​ന്ധി​യു​ടെ ഘാ​ത​ക​ൻ നാ​ഥു​റാം ഗോ​ദ്​​സെ ദേ​ശ​ഭ​ക്ത​നാ​ണെ​ന്ന്​ ലോ​ക്​​സ​ഭ​യി​ ൽ വാ​ദി​ച്ച ബി.​ജെ.​പി ഭോ​പാ​ൽ എം.​പി​യും മാ​ലേ​ഗാ​വ്​ സ്​​ഫോ​ട​ന കേ​സ്​ പ്ര​തി​യു​മാ​യ പ്ര​ജ്ഞ​സി​ങ്​ ഠാ​ കു​ർ പ്ര​തി​ഷേ​ധ​ങ്ങ​ൾ​ക്കൊ​ടു​വി​ൽ മാ​പ്പു പ​റ​ഞ്ഞു. മ​ന​സ്സോ​ടെ​യ​ല്ല, പ്ര​തി​പ​ക്ഷ​ത്തി​​െൻറ നി​ർ​ബ​ ന്ധം മൂ​ലം. ‘നാ​ഥു​റാം ഗോ​ദ്​​സെ​യെ ദേ​ശ​ഭ​ക്ത​നെ​ന്ന്​ വി​ളി​ച്ചി​ട്ടി​ല്ല. എ​ങ്കി​ലും വി​കാ​രം വ്ര​ണ​പ് പെ​ട്ടി​ട്ടു​ണ്ടെ​ങ്കി​ൽ മാ​പ്പു പ​റ​യു​ന്നു’ -ലോ​ക്​​സ​ഭ​യി​ൽ പ്ര​ജ്ഞ​സി​ങ്​ പ​റ​ഞ്ഞു. രാ​വി​ലെ ​ന​ട​ത്ത ി​യ ഖേ​ദ​പ്ര​ക​ട​ന ശൈ​ലി​യി​ൽ തൃ​പ്​​ത​രാ​കാ​ത്ത പ്ര​തി​പ​ക്ഷം സ​ഭ ന​ട​ത്താ​ൻ അ​നു​വ​ദി​ക്കാ​തെ ഒ​ച്ച​പ്പാ​ട്​ ഉ​യ​ർ​ത്തി​യ​തി​നെ തു​ട​ർ​ന്ന്​ സ്​​പീ​ക്ക​ർ ഓം ​ബി​ർ​ള വി​ളി​ച്ച ക​ക്ഷി നേ​താ​ക്ക​ളു​ടെ യോ​ഗ​ത്തി​ലെ ധാ​ര​ണ​പ്ര​കാ​ര​മാ​യി​രു​ന്നു മാ​പ്പു പ​റ​യ​ൽ.

ബി.​ജെ.​പി പാ​ർ​ല​മ​െൻറ​റി പാ​ർ​ട്ടി യോ​ഗ​ത്തി​ൽ പ​​ങ്കെ​ടു​ക്കു​ന്ന​തി​ന്​ ത​ൽ​ക്കാ​ല വി​ല​ക്ക്​ ഏ​ർ​പ്പെ​ടു​ത്തി​യും പാ​ർ​ല​മ​െൻറി​​െൻറ പ്ര​തി​രോ​ധ​കാ​ര്യ സ​മി​തി​യി​ൽ​നി​ന്ന്​ ഒ​ഴി​വാ​ക്കി​യും പ്ര​ജ്ഞ​ക്കെ​തി​രെ അ​ച്ച​ട​ക്ക ന​ട​പ​ടി സ്വീ​ക​രി​ച്ചു​വെ​ന്ന്​ വ​രു​ത്താ​ൻ ബി.​ജെ.​പി ശ്ര​മി​ച്ചി​രു​ന്നു. എ​ന്നാ​ൽ, രാ​ഷ്​​ട്ര​പി​താ​വി​​െൻറ ഘാ​ത​ക​നെ പാ​ർ​ല​മ​െൻറി​നു​ള്ളി​ൽ​വെ​ച്ച്​ ദേ​ശ​ഭ​ക്ത​നാ​യി ചി​ത്രീ​ക​രി​ക്കാ​ൻ ഒ​രു എം.​പി മു​തി​രു​ന്ന​ത്​ തെ​റ്റാ​യ സ​ന്ദേ​ശ​മാ​ണ്​ രാ​ജ്യ​ത്തി​നും ലോ​ക​ത്തി​നും ന​ൽ​കു​​ന്ന​തെ​ന്ന്​ ചൂ​ണ്ടി​ക്കാ​ട്ടി പ്ര​തി​പ​ക്ഷം വെ​ള്ളി​യാ​ഴ്​​ച സ​ഭാ ന​ട​പ​ടി​ക​ൾ മു​ന്നോ​ട്ടു കൊ​ണ്ടു​പോ​കാ​ൻ അ​നു​വ​ദി​ച്ചി​ല്ല. ന​ടു​ത്ത​ള​ത്തി​ലി​റ​ങ്ങി പ്ര​തി​പ​ക്ഷം പ്ര​തി​ഷേ​ധി​ച്ചു.

ഗാ​ന്ധി​ജി​യെ ആ​ദ​രി​ച്ചും ഗോ​ദ്​​സെ​യെ ത​ള്ളി​പ്പ​റ​ഞ്ഞും ന​ടു​ത്ത​ള​ത്തി​ൽ മു​ദ്രാ​വാ​ക്യ​ങ്ങ​ൾ ഉ​യ​ർ​ന്നു. സ​ഭ​യു​ടെ കാ​ര്യോ​പ​ദേ​ശ സ​മി​തി​യി​ൽ രാ​വി​ലെ​യു​ണ്ടാ​യ ധാ​ര​ണ​പ്ര​കാ​രം മാ​പ്പു പ​റ​യാ​ൻ സ്​​പീ​ക്ക​ർ ഈ ​ഘ​ട്ട​ത്തി​ൽ പ്ര​ജ്ഞ സി​ങ്ങി​നെ വി​ളി​ച്ചു. ആ​രു​ടെ​യെ​ങ്കി​ലും വി​കാ​രം ​വ്ര​ണ​പ്പെ​ട്ടി​ട്ടു​ണ്ടെ​ങ്കി​ൽ ഖേ​ദം പ്ര​ക​ടി​പ്പി​ക്കു​ന്നു​വെ​ന്ന്​ പ​റ​ഞ്ഞെ​ങ്കി​ലും, ത​​െൻറ ഭാ​ഗം ന്യാ​യീ​ക​രി​ക്കു​ന്ന ഒ​രു പേ​ജ്​ പ്ര​സ്​​താ​വ​ന​യാ​ണ്​ പ്ര​ജ്ഞ സി​ങ്​ ന​ട​ത്തി​യ​ത്.

പ്ര​തി​പ​ക്ഷം വീ​ണ്ടും രോ​ഷാ​കു​ല​രാ​യി. പാ​ർ​ല​മ​െൻറ​റി​കാ​ര്യ മ​ന്ത്രി പ്ര​ഹ്ലാ​ദ്​ ജോ​ഷി പ​ല​വ​ട്ടം ന്യാ​യ​വാ​ദ​ങ്ങ​ളു​മാ​യി എ​ഴു​ന്നേ​റ്റു. സ​ഭാ​ത​ലം ശാ​ന്ത​മാ​കാ​തെ വ​ന്ന​തി​നെ തു​ട​ർ​ന്ന്​ സ്​​പീ​ക്ക​ർ ക​ക്ഷി​നേ​താ​ക്ക​ളു​ടെ യോ​ഗം വി​ളി​ച്ചു. വി​ശ​ദീ​ക​ര​ണ​ങ്ങ​ളി​ല്ലാ​തെ നി​രു​പാ​ധി​കം മാ​പ്പു​പ​റ​യാ​ൻ ധാ​ര​ണ​യാ​യി.

യൂത്ത് കോൺഗ്രസ് പ്രതിഷേധം
ന്യൂഡൽഹി: ബി.ജെ.പി എം.പി പ്രജ്​ഞ സിങ്​ ഠാക്കൂറിന്‍റെ ഗോഡ്​സെ പ്രസ്താവനക്കെതിരെ യൂത്ത് കോൺഗ്രസ് പ്രതിഷേധ മാർച്ച് നടത്തി. ഗാന്ധി വേഷത്തിൽ പാർലമെന്‍റിലേക്കായിരുന്നു പ്രവർത്തകരുടെ മാർച്ച്.

യൂത്ത് കോൺഗ്രസ് ഓഫീസിൽ നിന്നും ആരംഭിച്ച പ്രതിഷേധ മാർച്ച് പാർലമ​​​െൻറിന് സമീപം പൊലീസ് തടഞ്ഞു.