സി.പി.​എം ബാം​ഗാ​ൾ സെ​ക്ര​ട്ട​റി മു​ഹ​മ്മ​ദ്‍ സ​ലിം തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ൽ

പിടിച്ചിരിക്കും മുർഷിദാബാദ്

ഉ​ഷ്ണ​ം വ​ക​വെ​ക്കാ​തെ, ബം​ഗ്ലാ​ദേ​ശു​മാ​യി അ​തി​ർ​ത്തി പ​ങ്കി​ടു​ന്ന മു​ർ​ഷി​ദാ​ബാ​ദി​ലെ ഇ​ട​വ​ഴി​ക​ളി​ലൂ​ടെ വോ​ട്ടു​തേ​ടി ഓ​ടു​ക​യാ​ണ് സി.​പി.​എം സം​സ്ഥാ​ന സെ​ക്ര​ട്ട​റി മു​ഹ​മ്മ​ദ് സ​ലീം. തൃ​ണ​മൂ​ൽ​ ക​ട​ന്നു​വ​ര​വി​ൽ ന​ഷ്ട​മാ​യ ജ​ന​പി​ന്തു​ണ തി​രി​ച്ചു​പി​ടി​ക്കു​ന്ന​തോ​ടൊ​പ്പം സം​സ്ഥാ​ന​ത്ത് പാ​ർ​ട്ടി​ക്ക് വീ​ണ്ടും അ​ക്കൗ​ണ്ട് തു​റ​ക്കാ​നും സി.​പി.​എ​മ്മി​ന്റെ സ​ർ​വ​സ​ന്നാ​ഹ​വും സം​സ്ഥാ​ന സെ​ക്ര​ട്ട​റി മ​ത്സ​രി​ക്കു​ന്ന മ​ണ്ഡ​ല​ത്തി​ലു​ണ്ട്.

ക​ഴി​ഞ്ഞ ​​​തെ​ര​ഞ്ഞെ​ടു​പ്പി​ൽ 26 ശ​ത​മാ​ന​ത്തി​ന് മു​ക​ളി​ൽ വോ​ട്ട് നേ​ടി ക​രു​ത്തു​കാ​ണി​ച്ച കോ​ൺ​ഗ്ര​സ്, സ​ഖ്യ​ത്തി​ന്റെ ഭാ​ഗ​മാ​യി സി.​പി.​എ​മ്മി​ന് സീ​റ്റ് വി​ട്ടു​ന​ൽ​കു​ക​യാ​യി​രു​ന്നു. 12.44 ശ​ത​മാ​ന​മാ​യി​രു​ന്നു സി.​പി.​എ​മ്മി​ന് ല​ഭി​ച്ച വോ​ട്ട്. വ​ലി​യ ഭൂ​രി​പ​ക്ഷ​ത്തി​നാ​ണ് തൃ​ണ​മൂ​ൽ സ്ഥാ​നാ​ർ​ഥി​യു​ടെ വി​ജ​യ​മെ​ങ്കി​ലും കോ​ൺ​ഗ്ര​സ് വോ​ട്ടു​കൂ​ടെ ല​ഭി​ക്കു​ന്ന​തോ​ടെ വി​ജ​യം ഉ​റ​പ്പാ​ണെ​ന്നാ​ണ് സി.​പി.​എം നേ​താ​ക്ക​ൾ പ​റ​യു​ന്ന​ത്.

സ​ഖ്യം താ​ഴേ​ത്ത​ട്ടി​ൽ വി​ജ​യ​ക​ര​മാ​ണെ​ന്നും വി​ജ​യം ഉ​റ​പ്പാ​ണെ​ന്നും പ്ര​ചാ​ര​ണ​ത്തി​ര​ക്കി​നി​ടെ മു​ഹ​മ്മ​ദ് സ​ലീം മാ​ധ്യ​മ​ത്തോ​ട് പ​റ​ഞ്ഞു. ടി.​എം.​സി, ​ബി.​ജെ.​പി പാ​ർ​ട്ടി​ക​ളു​ടെ കോ​ർ​പ​റേ​റ്റ്- ഗു​ണ്ടാ രാ​ഷ്ട്രീ​യം ജ​നം തി​രി​ച്ച​റി​ഞ്ഞി​ട്ടു​ണ്ട്. ന​ഷ്ട​മാ​യ വോ​ട്ടു​ക​ളെ​ല്ലാം തി​രി​ച്ചു​വ​രു​മെ​ന്ന പൂ​ർ​ണ ആ​ത്മ​വി​ശ്വാ​സം പാ​ർ​ട്ടി​ക്കു​ണ്ട്. ടി.​എം.​സി​യു​​ടെ ഗു​ണ്ടാ രാ​ഷ്ടീ​യം അ​തി​ജീ​വി​ച്ചാ​ണ് ഇ​ത്ര​യും വ​ലി​യ ജ​ന​പി​ന്തു​ണ പ്ര​ചാ​ര​ണ​ത്തി​ൽ ല​ഭി​ക്കു​ന്ന​തെ​ന്നും അ​ദ്ദേ​ഹം വ്യ​ക്ത​മാ​ക്കി.

കേ​ര​ള​ത്തി​ൽ​ ജോ​ലി തേ​ടി​​യെ​ത്തു​ന്ന ബം​ഗാ​ളി യു​വാ​ക്ക​ളി​ൽ ഭൂ​രി​പ​ക്ഷ​വും മു​ർ​ഷി​ദാ​ബാ​ദ് മ​ണ്ഡ​ല​ത്തി​ലെ ​ഡും​കോ​ൾ, ജ​ല​ങ്കി മേ​ഖ​ല​യി​ൽ നി​ന്നു​ള്ള​വ​രാ​ണ്. ഡും​കോ​ളി​ലെ എ​ല്ലാ വീ​ടു​ക​ളി​ലും ഒ​രാ​ളെ​ങ്കി​ലും കേ​ര​ള​ത്തി​ൽ​ ജോ​ലി ചെ​യ്യു​ന്നു​ണ്ടെ​ന്നാ​ണ് ക​ണ​ക്ക്. ഇ​വ​രു​ടെ​യെ​ല്ലാം വോ​ട്ടു​ക​ൾ ഇ​ത്ത​വ​ണ ല​ഭി​ക്കു​മെ​ന്നാ​ണ് സി.​പി.​എം പ്ര​തീ​ക്ഷ.

ടി.​എം.​സി​ക്കു​വേ​ണ്ടി സി​റ്റി​ങ് എം.​പി അ​ബു താ​ഹി​ർ​ഖാ​നാ​ണ് ജ​ന​വി​ധി തേ​ടു​ന്ന​ത്. 60 ശ​ത​മാ​ന​ത്തി​ന് മു​ക​ളി​ൽ മു​സ്‍ലിം ഭൂ​രി​പ​ക്ഷ മ​ണ്ഡ​ല​ത്തി​ൽ ബി.​ജെ.​പി​യെ മു​ഖ്യ എ​തി​രാ​ളി​യാ​യി ഉ​യ​ർ​ത്തി​യാ​ണ് ടി.​എം.​സി​യു​ടെ തെ​ര​ഞ്ഞെ​ടു​പ്പ് പ്ര​ചാ​ര​ണം. പൗ​ര​ത്വ വി​ഷ​യ​ത്തി​ൽ ബി.​ജെ.​പി​യെ നേ​രി​ടാ​ൻ മ​മ​ത​ക്കേ സാ​ധി​ക്കൂ എ​ന്ന തോ​ന്ന​ലും മു​സ്‍ലിം ജ​ന​വി​ഭാ​ഗ​ത്തി​നി​ട​യി​ലു​ണ്ട്. മേ​യ് ഏ​ഴി​നാണ് ഇവിടെ വോട്ടെടുപ്പ്. 

Tags:    
News Summary - Murshidabad will be captured

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.