ലക്നോ: കർണാടക കേഡർ െഎ.എ.എസ് ഉദ്യോഗസ്ഥനെ ദുരൂഹ സാഹചര്യത്തിൽ ലക്നോവിലെ ഹസ്രാട്ഗഞ്ച് മേഖലയിലെ റോഡരികിൽ മരിച്ച നിലയിൽ കണ്ടെത്തി.
2007 ബാച്ചിലെ ഉദ്യോഗസ്ഥനായ അനുരാഗ് തിവാരിയെയാണ് മരിച്ചനിലയിൽ കണ്ടെത്തിയത്. ഉത്തർപ്രദേശിലെ ബഹ്റെയ്ച്ച് ജില്ലക്കാരനാണ്. രണ്ടുദിവസമായി പ്രദേശത്തെ ഒരു ഗസ്റ്റ് ഹൗസിൽ താമസിക്കുകയായിരുന്നു. മൃതദേഹം കണ്ടെത്തിയതും ഗസ്റ്റ് ഹൗസിന് സമീപമാണ്.
കാൽനടയാത്രികർ മൃതദേഹം കണ്ട് പൊലീസ് സ്റ്റേഷനിൽ വിവരം അറിയിക്കുകയായിരുന്നു. അദ്ദേഹത്തിെൻറ കൈയിൽ നിന്ന് ലഭിച്ച തിരിച്ചറിയിൽ രേഖകളിൽ നിന്നാണ് ആളെ വ്യക്തമായത്. താടിയിൽ ഒരു മുറിവ് പ്രാഥമിക പരിശോധനയിൽ കണ്ടെത്തിയിട്ടുണ്ട്. മറ്റ് മുറിവുകളൊന്നും ശരീരത്തിലില്ലെന്ന് പൊലീസ് അറിയിച്ചു. മൃതദേഹം പോസ്റ്റ്മോർട്ടത്തിന് അയച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.