ശ്രീനഗർ: കശ്മീരിലെ കൊല്ലപ്പെട്ട മാധ്യമപ്രവര്‍ത്തകന്‍ ശുജാഅത്ത് ബുഖാരിയുടെ ഘാതകരുടെ ചിത്രങ്ങൾ ജമ്മുകാശ്മീര്‍ പൊലീസ് പുറത്തുവിട്ടു. ഇവരെ കണ്ടെത്താന്‍ പൊതുജനങ്ങളുടെ സഹായം അഭ്യർഥിച്ചുകൊണ്ടാണ് പൊലീസ് ദൃശ്യങ്ങൾ പുറത്തുവിട്ടത്. ആക്രമണം നടത്തിയ മൂന്നംഗസംഘത്തിന്‍റെ സി.സി.ടി.വി ചിത്രങ്ങളാണ് പുറത്തുവന്നത്. ഇന്നലെയാണ് റൈസിങ് കശ്മീരിന്‍റെ എഡിറ്ററായ ശുജാഅത്ത് ബുഖാരി ഭീകരരുടെ വെടിയേറ്റ് മരിച്ചത്.
General public is requested to identify the suspects in pictures involved in today’s terror attack at press enclave.#ShujaatBukhari @JmuKmrPolice @spvaid @DIGCKRSGR @PoliceSgr pic.twitter.com/3cXM0CC8BD
— Kashmir Zone Police (@KashmirPolice) June 14, 2018
ഇന്നലെ വൈകീട്ട് ഓഫീസില്‍ നിന്ന് ഇഫ്താര്‍ വിരുന്നിന് പോകുമ്പോഴായിരുന്നു ശുജാഅത്ത് ബുഖാരിക്ക് നേരെ ഭീകരര്‍ വെടിയുതിര്‍ത്തത്. ഒപ്പമുണ്ടായിരുന്ന രണ്ട് സുരക്ഷാ ഉദ്യോഗസ്ഥരും കൊല്ലപ്പെട്ടിട്ടുണ്ട്. കാറില്‍ സഞ്ചരിക്കുകയായിരുന്ന ശുജാഅത്ത് ബുഖാരിയെ മൂന്ന് മോട്ടോര്‍ സൈക്കിളുകളിലായി എത്തിയാണ് ഭീകരര്‍ ആക്രമിച്ചത്. കാറില്‍ ഉണ്ടായിരുന്ന സുരക്ഷാ ഉദ്യോഗസ്ഥനും കൊല്ലപ്പെട്ടു.
ജമ്മുകാശ്മീരിലെ സമാധാനശ്രമങ്ങള്‍ക്ക് മുന്‍നിരയില്‍ പ്രവര്‍ത്തിച്ചിരുന്ന ബുഖാരിക്ക് നേരെ മുമ്പ് മൂന്ന് തവണ വധശ്രമം ഉണ്ടായിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.