ഇസ്രായേൽ പ്രധാനമന്ത്രിയുമായി ചർച്ച നടത്തി അജിത് ഡോവൽ

ജറൂസലം: ദേശീയ സുരക്ഷ ഉപദേഷ്ടാവ് അജിത് ഡോവൽ ഇസ്രായേൽ പ്രധാനമന്ത്രി ബിന്യമിൻ നെതന്യാഹുവിനെ സന്ദർശിച്ച് യുദ്ധവുമായി ബന്ധപ്പെട്ടും ഗസ്സക്ക് മാനുഷിക സഹായം നൽകേണ്ടതിന്റെ അടിയന്തര ആവശ്യവും ചർച്ചചെയ്തു. ബന്ദികളെ മോചിപ്പിക്കാനുള്ള ശ്രമത്തെക്കുറിച്ചും സംസാരിച്ചു.

ഇസ്രായേൽ ദേശീയ സുരക്ഷ ഉപദേഷ്ടാവ് സാഖി ഹനെഗ്ബിയുമായും ഡോവൽ കൂടിക്കാഴ്ച നടത്തി. ഗസ്സയിലെ ഫലസ്തീൻ ജനതക്ക് മാനുഷികസഹായം നൽകാനുള്ള ശ്രമങ്ങൾക്ക് പിന്തുണ നൽകുകയും അവശ്യവസ്തുക്കൾ അയച്ചുകൊടുക്കുകയും ചെയ്തിരുന്നു ഇന്ത്യ.