ന്യൂഡൽഹി: കോമണ്വെല്ത്ത് ഗെയിംസ് അഴിമതിക്കേസില് തടവിൽ കഴിഞ്ഞ സുരേഷ് കൽമാഡിയെയും അഭയ് സിങ് ചൗതാലയെയും ആജീവനാന്ത പ്രസിഡൻറാക്കുന്ന തീരുമാനം ഇന്ത്യൻ ഒളിമ്പിക് അസോസിയേഷൻ (െഎ.ഒ.എ) റദ്ദാക്കി.
മുൻ തീരുമാനത്തിന് നിയമസാധുതയില്ലെന്നും സാേങ്കതികമായ അബദ്ധമാണ് ഇതിന് പിന്നിലെന്നുമാണ് ഇപ്പോൾ ഐ.ഒ.എ പ്രസിഡന്റ് എന്.രാമചന്ദ്രന് അറിയിച്ചിരിക്കുന്നത്.
കഴിഞ്ഞ മാസം ഡിസംബർ 27ലെ ഐ.ഒ.എയുടെ വാര്ഷിക യോഗത്തിലാണ് ഇരുവരെയും ആജീവനാന്ത പ്രസിഡൻറാക്കിയത്. തീരുമാനം വിവാദമാവുകയും അസോസിയേഷന്റെ അംഗീകാരം റദ്ദാക്കുമെന്ന് കേന്ദ്ര കായിക മന്ത്രലായം മുന്നറിയിപ്പ് നൽകുകയും ചെയ്തിരുന്നു. 2010ല് ഡല്ഹിയില് നടന്ന കോമണ്വെല്ത്ത് ഗെയിംസ് അഴിമതിയെ തുടർന്നാണ് കൽമാഡി ജയിലിലായത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.