രാജ്യത്ത്​ അന്താരാഷ്​ട്ര യാത്രാ വിമാന നിയന്ത്രണം മാർച്ച്​ 31 വരെ നീട്ടി

ന്യൂഡൽഹി: രാജ്യത്ത്​ അന്താരാഷ്​ട്ര യാത്രാ വിമാനങ്ങൾക്കുള്ള നിയന്ത്രണം മാർച്ച്​ 31 വരെ നീട്ടി. ഡയറക്​ടറേറ്റ്​ ജനറൽ ഓഫ്​ സിവിൽ ഏവിയേഷൻ വെള്ളിയാഴ്ച അറിയിച്ചതാണ്​ ഇക്കാര്യം.

അന്താരാഷ്​ട്ര കാർഗോ വിമാനങ്ങൾക്ക്​ നിയന്ത്രണം ബാധകമാകില്ല. പ്രത്യേക വിമാനസർവിസുകൾ തുടരുകയും ചെയ്യും. തെരഞ്ഞെടുത്ത റൂട്ടുകളിൽ സാഹചര്യങ്ങൾക്ക്​ അനുസൃതമായുള്ള അന്താരാഷ്​ട്ര സർവിസുകളായിരിക്കും അനുവദിക്കുക.

കൊറോണ വൈറസ്​ വ്യാപനത്തെ തുടർന്ന്​ 2020 മാർച്ചിലാണ്​ വിമാനസർവിസുകൾക്ക്​ നിയന്ത്രണം ഏർപ്പെടുത്തിയത്​. ലോക്​ഡൗണിൽ ഘട്ടം ഘട്ടമായി നിയന്ത്രണങ്ങളിൽ ഇളവ്​ അനുവദി​െച്ചങ്കിലും അന്താരാഷ്​ട്ര വിമാനസർവിസുകൾക്ക്​ ഇളവ്​ അനുവദിച്ചിരുന്നില്ല. പകരം വന്ദേഭാരത്​ മിഷൻ ആരംഭിക്കുകയായിരുന്നു. ആഭ്യന്തര വിമാനസർവിസുകൾ പിന്നീട്​ പുനരാരംഭിച്ചിരുന്നു.