ന്യൂഡൽഹി: മൊത്തവില സൂചിക അടിസ്ഥാനമാക്കിയ (ഡബ്ല്യൂ.പി.ഐ) പണപ്പെരുപ്പം രണ്ടുവർഷത്തെ ഏറ്റവും കുറഞ്ഞ നിലയായ 4.73ലേക്കെത്തി. ജനുവരിയിലെ കണക്കാണിത്. ഭക്ഷ്യവസ്തുക്കളുടെ വില കയറുമ്പോഴും ഉൽപാദന വസ്തുക്കൾ, ഇന്ധനം, ഊർജം തുടങ്ങിയവയുടെ വിലയാണ് പണപ്പെരുപ്പം പിടിച്ചുനിർത്തിയത്.
ഡബ്ല്യൂ.പി.ഐ അടിസ്ഥാനമാക്കിയുള്ള പണപ്പെരുപ്പം എട്ടുമാസമായി തുടർച്ചായി കുറയുകയാണ്. കഴിഞ്ഞ വർഷം ജനുവരിയിൽ ഇത് 13.68ഉം ഡിസംബറിൽ 4.95ഉം ആയിരുന്നു. ധാതുഎണ്ണകൾ, രാസവസ്തുക്കൾ, രാസവസ്തു ഉൽപന്നങ്ങൾ, തുണി, അസംസ്കൃത പെട്രോൾ, പ്രകൃതിവാതകം, ഭക്ഷ്യോൽപന്നങ്ങൾ തുടങ്ങിയവയാണ് കാര്യമായി 2023 ജനുവരിയിലെ പണപ്പെരുപ്പ നിരക്ക് കുറച്ച മേഖലകൾ.
എന്നാൽ, ഭക്ഷ്യവസ്തുക്കളുടെ പണപ്പെരുപ്പ നിരക്ക് 2.38 ശതമാനത്തിലേക്ക് ഉയർന്നു.അതേസമയം, ചില്ലറവ്യാപാര പണപ്പെരുപ്പം മൂന്നു മാസത്തെ ഉയർന്ന നിരക്കിലാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.