ഇന്ത്യക്കാരെ വിട്ടയക്കൂ; റഷ്യയോട് ഇന്ത്യ

ന്യൂ​ഡ​ൽ​ഹി: തൃ​ശൂ​ർ കു​ട്ട​നെ​ല്ലൂ​ർ സ്വ​ദേ​ശി ബി​നി​ൽ ബാ​ബു യു​ക്രെ​യ്ൻ അ​തി​ർ​ത്തി​യി​ൽ കൊ​ല്ല​പ്പെ​ട്ട​തി​ന് പി​ന്നാ​ലെ റ​ഷ്യ​ൻ സേ​ന​യി​ൽ അ​വ​ശേ​ഷി​ക്കു​ന്ന ഇ​ന്ത്യ​ക്കാ​രെ ഉ​ട​ൻ വി​ട്ട​യ​ക്ക​ണ​മെ​ന്നാ​വ​ശ്യ​പ്പെ​ട്ട് ഇ​ന്ത്യ. ബി​നി​ലി​ന്റെ മ​ര​ണം സ്ഥി​രീ​ക​രി​ച്ച വി​ദേ​ശ​കാ​ര്യ മ​ന്ത്രാ​ല​യം, മൃ​​ത​ദേ​ഹം എ​ത്ര​യും പെ​ട്ടെ​ന്ന് നാ​ട്ടി​ലെ​ത്തി​ക്കാ​ൻ ശ്ര​മം ന​ട​ത്തു​ക​യാ​ണെ​ന്ന് അ​റി​യി​ച്ചു. ഇ​തി​നാ​യി റ​ഷ്യ​ൻ അ​ധി​കൃ​ത​രു​മാ​യി സ​മ്പ​ർ​ക്ക​ത്തി​ലാ​ണെ​ന്നും വി​ദേ​ശ​കാ​ര്യ മ​ന്ത്രാ​ല​യ വ​ക്താ​വ് ര​ൺ​ധീ​ർ ജ​യ്സ്വാ​ൾ പ​റ​ഞ്ഞു.

ബി​നി​ലി​ന്റെ ബ​ന്ധു കൂ​ടി​യാ​യ, പ​രി​ക്കേ​റ്റ ജെ​യി​ൻ കു​ര്യ​നെ മോ​സ്കോ ആ​ശു​പ​ത്രി​യി​ൽ​നി​ന്ന് നാ​ട്ടി​ലെ​ത്തി​ക്കാ​നും ശ്ര​മം ന​ട​ക്കു​ന്നു​ണ്ട്. ന്യൂ​ഡ​ൽ​ഹി​യി​ലെ റ​ഷ്യ​ൻ എം​ബ​സി​യു​മാ​യും റ​ഷ്യ​ൻ ഭ​ര​ണ​കൂ​ട​വു​മാ​യും ബ​ന്ധ​പ്പെ​ട്ടാ​ണ് നീ​ക്കം. മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ നി​ര്‍ദേ​ശാ​നു​സ​ര​ണം ബി​നി​ലി​ന്‍റെ മൃ​ത​ദേ​ഹം നാ​ട്ടി​ലെ​ത്തി​ക്കാ​നു​ള്ള ന​ട​പ​ടി​ക​ൾ സ്വീ​ക​രി​ച്ചു​വ​രു​ക​യാ​ണെ​ന്ന് നോ​ര്‍ക്ക റൂ​ട്ട്‌​സ് ചീ​ഫ് എ​ക്‌​സി​ക്യൂ​ട്ടി​വ് ഓ​ഫി​സ​ര്‍ അ​ജി​ത് കോ​ള​ശ്ശേ​രി​യും അ​റി​യി​ച്ചു. റ​ഷ്യ​ൻ സേ​ന​യെ സ​ഹാ​യി​ക്കാ​നു​ള്ള പാ​ച​ക​ക്കാ​രും സ​ഹാ​യി​ക​ളു​മെ​ന്ന നി​ല​യി​ലാ​ണ് ഇ​ന്ത്യ​ക്കാ​രെ റി​ക്രൂ​ട്ട് ചെ​യ്യു​ന്ന​ത്. ഇ​വ​രെ നി​ർ​ബ​ന്ധി​ച്ച് യു​ദ്ധ​മു​ഖ​ത്തി​റ​ക്കു​ക​യാ​ണെ​ന്നാ​ണ് ആ​രോ​പ​ണം. ബി​നി​ലി​ന്റെ മ​ര​ണ​ത്തോ​ടെ ഔ​ദ്യോ​ഗി​ക ക​ണ​ക്ക് പ്ര​കാ​രം റ​ഷ്യ - യു​ക്രെ​യ്ൻ യു​ദ്ധ​മു​ഖ​ത്ത് കൊ​ല്ല​പ്പെ​ട്ട ഇ​ന്ത്യ​ക്കാ​രു​ടെ എ​ണ്ണം പ​ത്താ​യി. തെ​റ്റി​ദ്ധ​രി​പ്പി​ച്ച് റി​ക്രൂ​ട്ട് ചെ​യ്ത് നി​ർ​ബ​ന്ധി​ത സൈ​നി​ക​സേ​വ​നം ചെ​യ്യി​ക്കു​ക​യാ​ണെ​ന്ന് ഇ​ന്ത്യ കു​റ്റ​പ്പെ​ടു​ത്തു​മ്പോ​ൾ റ​ഷ്യ​ൻ​സേ​ന​യി​ൽ ‘സ്വ​യം സ​ന്ന​ദ്ധ​രാ​യി’ ക​രാ​ർ ​സൈ​നി​ക ​സേ​വ​നം ന​ട​ത്തു​ന്ന​വ​രാ​ണ് ഇ​വ​രെ​ന്നാ​ണ് ന്യൂ​ഡ​ൽ​ഹി​യി​ലെ റ​ഷ്യ​ൻ എം​ബ​സി​യു​ടെ അ​വ​കാ​ശ​വാ​ദം.

ഏ​റ്റ​വു​മൊ​ടു​വി​ൽ ക​ഴി​ഞ്ഞ ഒ​ക്ടോ​ബ​റി​ൽ കേ​ന്ദ്രം ന​ൽ​കി​യ ക​ണ​ക്ക് പ്ര​കാ​രം 85 ഇ​ന്ത്യ​ക്കാ​രെ​യാ​ണ് റ​ഷ്യ​ൻ സേ​ന വി​ട്ട​യ​ച്ച​ത്. 20 പേ​രെ കൂ​ടി വി​ട്ട​യ​പ്പി​ക്കാ​നു​ള്ള നീ​ക്ക​ത്തി​ലാ​ണെ​ന്ന് അ​ന്ന് വ്യ​ക്ത​മാ​ക്കു​ക​യും ചെ​യ്തി​രു​ന്നു. ക​ഴി​ഞ്ഞ​വ​ർ​ഷം റ​ഷ്യ​ൻ പ്ര​സി​ഡ​ന്റ് വ്ലാ​ദി​മി​ർ പു​ടി​നു​മാ​യി ന​ട​ത്തി​യ ര​ണ്ട് കൂ​ടി​ക്കാ​ഴ്ച​ക​ളി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി വി​ഷ​യം ഉ​ന്ന​യി​ച്ചി​രു​ന്നു​വെ​ങ്കി​ലും അ​വ​ശേ​ഷി​ക്കു​ന്ന​വ​രെ പൂ​ർ​ണ​മാ​യും തി​രി​ച്ച​യ​ക്കാ​ൻ റ​ഷ്യ ത​യാ​റാ​യി​ല്ല. റ​ഷ്യ​യി​ലേ​ക്ക് ഇ​ന്ത്യ​ക്കാ​രെ റി​ക്രൂ​ട്ട് ചെ​യ്ത 19 പേ​ർ​ക്കെ​തി​രെ സി.​ബി.​ഐ കേ​സ് ര​ജി​സ്റ്റ​ർ ചെ​യ്തി​ട്ടു​ണ്ട്. ഇ​വ​രി​ൽ ചി​ല​ർ അ​റ​സ്റ്റി​ലാ​വു​ക​യും ചെ​യ്തു.