രാജ്യത്ത് 841 പേർക്ക് കൂടി കോവിഡ്; കേരളത്തിൽ കോവിഡ് മരണം

ന്യൂഡൽഹി: രാജ്യത്ത് പുതിയ 841 കോവിഡ് കേസുകൾ റിപ്പോർട്ട് ചെയ്തു. 227 ദിവസത്തിനിടയിലെ ഏറ്റവും ഉയർന്ന കണക്കാണിത്. നിലവിൽ 4309 കോവിഡ് ബാധിതരാണ് രാജ്യത്തുള്ളത്.

24 മണിക്കൂറിനിടെ മൂന്ന് കോവിഡ് മരണങ്ങളാണ് രാജ്യത്ത് റിപ്പോർട്ട് ചെയ്തത്. കേരളത്തിലും കർണാടകയിലും ബിഹാറിലും ഓരോ മരണങ്ങൾ വീതമാണ് ഉണ്ടായത്.

ഡിസംബർ 5 വരെ പ്രതിദിന കേസുകളുടെ എണ്ണം ഇരട്ട അക്കത്തിലായിരുന്നു. എന്നാൽ പുതിയ വേരിയന്റും തണുത്ത കാലാവസ്ഥയും ഉണ്ടായതിന് ശേഷം കേസുകൾ വീണ്ടും വർധിക്കുകയായിരുന്നു.

2020ലായിരുന്നു കോവിഡ് രാജ്യത്ത് സ്ഥിരീകരിച്ചത്. നാലു വർഷത്തിനിടെ 4.5 കോടിയാളുകൾക്ക് കോവിഡ് സ്ഥിരീകരിച്ചിട്ടുണ്ട്. 5.3 ലക്ഷം പേരാണ് രോ​ഗം മൂലം മരണപ്പെട്ടത്.