ന്യൂഡൽഹി: രാജ്യത്ത് 24 മണിക്കൂറിനിടെ 28,903 പേർക്ക് കൂടി കോവിഡ് സ്ഥിരീകരിച്ചു. ഇതോടെ രാജ്യത്തെ കോവിഡ് രോഗികളുടെ എണ്ണം 1,14,38,734 ആയി ഉയർന്നു. ഈ വർഷത്തെ ഏറ്റവും ഉയർന്ന പ്രതിദിന വർധനയാണ് രേഖപ്പെടുത്തിയത്.
188 പേർ രോഗം ബാധിച്ച് മരിക്കുകയും ചെയ്തു. ആകെ മരണസംഖ്യ 1,59,044 ആയും ഉയർന്നു. നിലവിൽ 2,34,406 പേരാണ് ചികിത്സയിലുള്ളത്. അതേസമയം, കോവിഡ് രോഗികളുടെ എണ്ണം ഉയരുന്നത് പ്രതിരോധിക്കുന്നതിനായി വാക്സിനേഷൻ തോത് ഉയർത്താനാണ് കേന്ദ്രസർക്കാറിന്റെ തീരുമാനം.
ഇതുവരെ രാജ്യത്ത് 3.50 കോടി പേർക്ക് വാക്സിൻ നൽകിയിട്ടുണ്ട്. വരും ദിവസങ്ങളിൽ കൂടുതൽ പേർക്ക് വാക്സിൻ നൽകും. അതേസമയം, മഹാരാഷ്ട്ര ഉൾപ്പടെയുള്ള സംസ്ഥാനങ്ങളിൽ രോഗികളുടെ എണ്ണം വർധിക്കുന്നത് കോവിഡിന്റെ രണ്ടാം വരവാണെന്നാണ് കേന്ദ്രസർക്കാറിന്റെ വിലയിരുത്തൽ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.