ന്യൂഡൽഹി: പാകിസ്താൻ നിയമ വിരുദ്ധമായി കൈയടക്കിയ ഗിൽഗിത് ബാൾട്ടിസ്താനിൽ തെരഞ്ഞെടുപ്പ് നടത്തുന്നതിനെതിരെ കടുത്ത പ്രതിഷേധവുമായി ഇന്ത്യ. ഗിൽഗിത് ബാൾട്ടിസ്താൻ ഉൾപ്പെടെ ജമ്മു-കശ്മീരും ലഡാക്കും ഇന്ത്യയുടെ അവിഭാജ്യ ഘടകമാണെന്ന് വിദേശകാര്യ മന്ത്രാലയം ഇന്ത്യയിലെ മുതിർന്ന പാക് നയതന്ത്രപ്രതിനിധിയോട് വ്യക്തമാക്കി.
അനധികൃതമായി കൈവശംവെച്ചിരിക്കുന്ന പ്രദേശത്തുനിന്ന് പാകിസ്താൻ ഒഴിഞ്ഞുപോകണം. മേഖലയിൽ ഏതെങ്കിലും രീതിയിലുള്ള മാറ്റം വരുത്തൽ അംഗീകരിക്കാനാവില്ലെന്നും ഇന്ത്യ കൂട്ടിച്ചേർത്തു.
ഗിൽഗിത് ബാൾട്ടിസ്താനിൽ തെരഞ്ഞെടുപ്പ് നടത്താൻ പാകിസ്താൻ സുപ്രീംകോടതിയാണ് ഈയിടെ ഉത്തരവിട്ടത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.