ന്യൂഡൽഹി: രാജ്യത്ത് കോവിഡ് രോഗികളുടെ എണ്ണം കുതിച്ചുയരുന്നു. രോഗം ബാധിച്ചവരുടെ എണ്ണം നാലുലക്ഷം കടന്നു. ശനിയാഴ്ച രാവിലെ എട്ടുവരെയുള്ള 24 മണിക്കൂറിനുള്ളിലാണ് രാജ്യത്ത് ഏറ്റവും കൂടുതൽ പേർ രോഗബാധിതരായത്. 14,516 പേർക്കാണ് ഒറ്റ ദിവസം രോഗം സ്ഥിരീകരിച്ചത്. 375 പേർ മരണത്തിന് കീഴടങ്ങുകയും ചെയ്തു.
ഇതോടെ, രാജ്യത്ത് മരണം 13,000 കവിഞ്ഞു. 1.68 ലക്ഷം പേർ ചികിത്സയിലാണ്. 2.14 ലക്ഷം പേർ രോഗമുക്തരായി. 54.12 ശതമാനമാണ് രോഗമുക്തി. തുടർച്ചയായ ഒമ്പതാംദിവസമാണ് പതിനായിരത്തിലേറെ പേർക്ക് രോഗബാധ റിപ്പോർട്ട് ചെയ്യുന്നത്.
മഹാരാഷ്ട്രയിൽ രോഗബാധിതരുടെ എണ്ണം ഒന്നേകാൽ ലക്ഷം പിന്നിട്ടു. മരണം ആറായിരത്തിനടുത്താണ്. തമിഴ്നാട്ടിൽ രോഗികളായവരുടെ എണ്ണം അരലക്ഷം പിന്നിട്ടു. മരണം എഴുനൂറിലേക്ക് അടുക്കുകയാണ്. കാൽ ലക്ഷത്തിലേറെ കേസുകൾ റിപ്പോർട്ട് ചെയ്ത ഡൽഹിയും ഗുജറാത്തുമാണ് തൊട്ടുപിന്നിലുള്ള സംസ്ഥാനങ്ങൾ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.