വി​ദ്വേ​ഷ പ​രാ​മ​ർ​ശം: പ്ര​സ്താ​വ​ന​യി​ലു​റ​ച്ച് ഹൈ​കോ​ട​തി ജ​ഡ്ജി

ന്യൂ​ഡ​ൽ​ഹി: വി​ദ്വേ​ഷ പ്ര​സം​ഗ​ത്തി​ൽ വി​ശ​ദീ​ക​ര​ണ​വു​മാ​യി അ​ല​ഹ​ബാ​ദ് ഹൈ​കോ​ട​തി ജ​ഡ്ജി ജ​സ്റ്റി​സ് ശേ​ഖ​ർ കു​മാ​ർ യാ​ദ​വ്. ​പ്ര​സം​ഗ​ത്തി​ലെ പ​രാ​മ​ർ​ശ​ങ്ങ​ളി​ൽ ഉ​റ​ച്ചു​നി​ൽ​ക്കു​ന്നു​വെ​ന്നും നി​യ​മ വ്യ​വ​സ്ഥ​ക്കെ​തി​രാ​യ ഒ​ന്നും അ​തി​ലി​ല്ലെ​ന്നും അ​ല​ഹ​ബാ​ദ് ഹൈ​കോ​ട​തി ചീ​ഫ് ജ​സ്റ്റി​സ് അ​രു​ൺ ബ​ൻ​സാ​ലി​യ​ക്ക് ന​ൽ​കി​യ ക​ത്തി​ൽ അ​ദ്ദേ​ഹം വ്യ​ക്ത​മാ​ക്കി. അ​തേ​സ​മ​യം, ചി​ല ത​ൽ​പ​ര ക​ക്ഷി​ക​ൾ ത​ന്റെ പ്ര​സം​ഗ​ത്തെ തെ​റ്റാ​യി വ്യ​ഖ്യാ​നി​ക്കു​ക​യും വ​ള​ച്ചൊ​ടി​ക്കു​ക​യും ചെ​യ്ത​താ​യി അ​ദ്ദേ​ഹം പ​റ​ഞ്ഞു. ഭ​ര​ണ​ഘ​ട​നാ മൂ​ല്യ​ങ്ങ​ളു​മാ​യി പൊ​രു​ത്ത​പ്പെ​ടാ​ത്ത ചി​ല സാ​മൂ​ഹി​ക പ്ര​ശ്ന​ങ്ങ​ളെ​ക്കു​റി​ച്ചാ​ണ് താ​ൻ പ​റ​ഞ്ഞ​ത്. ഒ​രു സ​മു​ദാ​യ​ത്തോ​ടും വി​ദ്വേ​ഷം സൃ​ഷ്ടി​ക്കാ​നാ​യി​രു​ന്നി​ല്ല അ​വ​യെ​ന്നും ക​ത്തി​ൽ പ​റ​യു​ന്നു.

വി​വാ​ദ പ്ര​സം​ഗ​വു​മാ​യി ബ​ന്ധ​പ്പെ​ട്ട് സു​പ്രീം​കോ​ട​തി ചീ​ഫ് ജ​സ്റ്റി​സ് സ​ഞ്ജീ​വ് ഖ​ന്ന​യു​ടെ അ​ധ്യ​ക്ഷ​ത​യി​ലു​ള്ള കൊ​ളീ​ജി​യം ക​ഴി​ഞ്ഞ ഡി​സം​ബ​ർ 17ന് ​ജ​സ്റ്റി​സ് യാ​ദ​വി​നെ വി​ളി​ച്ചു​വ​രു​ത്തി വി​ശ​ദീ​ക​ര​ണം തേ​ടി​യി​രു​ന്നു. കൊ​ളീ​ജി​യ​ത്തി​നു​മു​ന്നി​ൽ ഹാ​ജ​രാ​യ ജ​സ്റ്റി​സ് യാ​ദ​വ് ഖേ​ദ​പ്ര​ക​ട​നം ന​ട​ത്താ​ൻ പോ​ലും ത​യാ​റാ​വാ​തി​രു​ന്ന​തോ​ടെ ചീ​ഫ് ജ​സ്റ്റി​സ് സ​ഞ്ജീ​വ് ഖ​ന്ന വീ​ണ്ടും വി​ശ​ദീ​ക​ര​ണം തേ​ടി അ​ല​ഹ​ബാ​ദ് ചീ​ഫ് ജ​സ്റ്റി​സി​ന് ക​ത്ത് എ​ഴു​തി​യി​രു​ന്നു. ഇ​തി​നു പി​ന്നാ​ലെ​യാ​ണ് ജ​സ്റ്റി​സ് യാ​ദ​വ് ഹൈ​കോ​ട​തി ചീ​ഫ് ജ​സ്റ്റി​സി​ന് വി​ശ​ദീ​ക​ര​ണം ന​ൽ​കി​യ​ത്. ജ​ഡ്ജി​യു​ടെ പെ​രു​മാ​റ്റ​ദൂ​ഷ്യം സം​ബ​ന്ധി​ച്ച് ആ​ഭ്യ​ന്ത​ര അ​ന്വേ​ഷ​ണം ആ​രം​ഭി​ക്കു​ന്ന​തി​നു​ള്ള ആ​ദ്യ​ഘ​ട്ട​മാ​യാ​ണ് ര​ണ്ടാ​മ​തും വി​ശ​ദീ​ക​ര​ണം തേ​ടി ചീ​ഫ് ജ​സ്റ്റി​സ് ക​ത്ത് ന​ൽ​കി​യ​ത്.

ഡി​സം​ബ​ര്‍ എ​ട്ടി​ന് വി​ശ്വ​ഹി​ന്ദു പ​രി​ഷ​ത്ത് (വി.​എ​ച്ച്.​പി) പ​രി​പാ​ടി​യി​ലാ​യി​രു​ന്നു ശേ​ഖ​ര്‍ കു​മാ​ര്‍ യാ​ദ​വി​​ന്റെ വി​ദ്വേ​ഷ പ്ര​സം​ഗം. ഏ​ക​സി​വി​ൽ കോ​ഡ് വി​ഷ​യ​ത്തെ പ്ര​സം​ഗ​ത്തി​ൽ അ​ദ്ദേ​ഹം ഹി​ന്ദു-​മു​സ്‍ലിം പ്ര​ശ്ന​മാ​യി അ​വ​ത​രി​പ്പി​ച്ചു. ഹി​ന്ദു​ക്ക​ൾ അ​വ​രു​ടെ ആ​ചാ​ര​ങ്ങ​ൾ പ​രി​ഷ്ക​രി​ച്ചു​വെ​ന്നും മു​സ്‍ലിം​ക​ൾ അ​തു ചെ​യ്തി​ല്ലെ​ന്നും അ​ദ്ദേ​ഹം പ​റ​ഞ്ഞു. ഇ​തി​നെ​തി​രെ പാ​ര്‍ല​മെ​ന്റി​ല​ട​ക്കം വ​ൻ പ്ര​തി​ഷേ​ധ​മാ​ണു​ണ്ടാ​യ​ത്.