ന്യൂഡൽഹി: സ്റ്റാഫ് സെലക്ഷൻ കമീഷൻ (എസ്.എസ്.സി) പരീക്ഷയുടെ ചോദ്യേപപ്പർ ചോർച്ചയിൽ സർക്കാർ സി.ബി.െഎ അന്വേഷണത്തിന് ഉത്തരവിട്ടു. 2017 ഫെബ്രുവരി 17 മുതൽ 22 വരെ നടന്ന എസ്.എസ്.സിയുടെ കമ്പയിൻഡ് ഗ്രാജ്വേറ്റ് ലെവൽ (ടയർ-3) പരീക്ഷയുടെ ചോദ്യേപപ്പറാണ് ചോർന്നത്.
ചോദ്യേപപ്പർ ചോർന്നതിനെതിരെ വൻ പ്രതിഷേധമുയർന്നിരുന്നു. ഉദ്യോഗാർത്ഥികളുടെ പ്രതിഷേധം അവസാനിപ്പിക്കണമെന്നും വിഷയം സി.ബി.െഎ അന്വേഷിക്കുമെന്നും ആഭ്യന്തരമന്ത്രി രാജ്നാഥ് സിങ് അറിയിച്ചു. എന്നാൽ പരിഹാരം കാണാതെ പ്രതിഷേധം പിൻവലിക്കില്ലെന്നാണ് ഉദ്യോഗാർത്ഥികളുടെ നിലപാട്.
സംഭവത്തിൽ സി.ബി.െഎ അന്വേഷണം ആവശ്യപ്പെട്ട് പ്രതിഷേധം നടത്തുന്ന വിദ്യാർഥി പ്രതിനിധി സംഘം ബി.ജെ.പി ഡൽഹി എം.പി മേനാജ് തിവാരിക്കൊപ്പം എത്തി എസ്.എസ്.സി ചെയർമാൻ ഹാഷിം ഖുരാനക്ക് നിവേദനം നൽകിയിരുന്നു. തുടർന്ന് എസ്.എസ്.സി സി.ബി.െഎ അന്വേഷണത്തിന് ശിപാർശ ചെയ്തിരുന്നു.
കേന്ദ്ര സർക്കാറിെൻറ താഴ്ന്ന തസ്തികകളിലേക്ക് നടത്തുന്ന പരീക്ഷയാണിത്. 1.9 ലക്ഷം ഉദ്യോഗാർത്ഥികളാണ് പരീക്ഷ എഴുതിയിരുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.