പ്രതീകാത്മക ചിത്രം
മുംബൈ: ധീരുഭായ് അംബാനി ഇന്റർനാഷണൽ സ്കൂളിൽ ബോംബ് ഭീഷണി. ചൊവ്വാഴ്ചയാണ് അജ്ഞാതൻ സ്കൂൾ തകർക്കുമെന്ന് ഭീഷണി മുഴക്കിയത്. വൈകീട്ട് നാലരയോടെയാണ് സ്കൂളിലെ ലാൻഡ് ഫോണിലേക്ക് കോൾ വന്നത്. സ്കൂളിൽ ടൈംബോംബ് വെച്ചതായി വിളിച്ചയാൾ അവകാശപ്പെട്ടു. ഉടനെ കോൾ കട്ടായി.
ഉടൻ തന്നെ സ്കൂൾ അധികൃതർ പൊലീസിനെ അറിയിച്ചു. പരാതിയുടെ അടിസ്ഥാനത്തിൽ പൊലീസ് കേസെടുത്ത് അന്വേഷണം ആരംഭിച്ചു. വിളിച്ചയാളെ തിരിച്ചറിഞ്ഞെന്നും പ്രതിയെ ഉടൻ പിടികൂടുമെന്നും മുംബൈ പൊലീസ് അറിയിച്ചു.
കഴിഞ്ഞ വർഷം ഒക്ടോബറിൽ എച്ച്.എൻ റിലയൻസ് ഫൗണ്ടേഷൻ ഹോസ്പിറ്റലിൽ ഒരു ഭീഷണി കോൾ വന്നിരുന്നു. അജ്ഞാത കോളർ ആശുപത്രി സ്ഫോടനത്തിൽ തകർക്കുമെന്നും ഭീഷണിപ്പെടുത്തുകയും അംബാനി കുടുംബത്തിന് വധഭീഷണി നൽകുകയും ചെയ്തിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.