ന്യൂഡൽഹി: ഗാൽവാൻ സംഘർഷത്തിന് ശേഷവും ചൈനയുമായുള്ള ബന്ധം മോശമായിട്ടില്ലെന്ന പ്രസ്താവനയുമായി വിദേശകാര്യ സഹമന്ത്രി വി.മുരളീധരൻ. നേപ്പാൾ, ചൈന, ബംഗ്ലാദേശ്, ശ്രീലങ്ക, അഫ്ഗാനിസ്താൻ, മ്യാൻമർ തുടങ്ങിയ രാജ്യങ്ങളുമായുള്ള ബന്ധം മോശമായോയെന്ന തൃണമൂൽ കോൺഗ്രസ് എം.പി സൗഗത റോയിയുടെ ചോദ്യത്തിനാണ് മുരളീധരൻ മറുപടി നൽകിയത്.
അയൽ രാജ്യങ്ങളുമായുള്ള ഇന്ത്യയുടെ ബന്ധം മോശമായിട്ടില്ലെന്നായിരുന്നു മുരളീധരെൻറ മറുപടി. രാഷ്ട്രീയ, സാമ്പത്തിക രംഗങ്ങളിൽ മറ്റ് രാജ്യങ്ങളുമായി ഇന്ത്യ സഹകരിക്കുന്നുണ്ടെന്നും അദ്ദേഹം പറഞ്ഞു. ഇന്ത്യൻ അതിർത്തിയിലേക്ക് ചൈന കടന്നു കയറിയിട്ടില്ലെന്ന് രാജ്യസഭയിൽ പ്രതിരോധ മന്ത്രി രാജ്നാഥ് സിങ് പ്രസ്താവന നടത്തിയിരുന്നു. ചൈനയുടെ ഏകപക്ഷീയമായ നടപടികളാണ് പ്രശ്നങ്ങൾക്ക് കാരണമെന്നും രാജ്നാഥ് സിങ് അറിയിച്ചിരുന്നു.
ജൂൺ 15ന് കിഴക്കൻ ഗൽവാൻ താഴ്വരയിലുണ്ടായ സംഘർഷത്തിൽ ഇന്ത്യയുടെ 20 ജവാൻമാർ വീരമൃത്യു വരിച്ചിരുന്നു. കേണൽ റാങ്കിലുള്ള ഉദ്യോഗസ്ഥർക്കടക്കം ജീവൻ നഷ്ടമായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.