ന്യൂഡൽഹി: പോപ്പ് ഗായകന്‍ ദാലര്‍ മെഹന്ദി ബി.ജെ.പിയിൽ ചേർന്നു. ഡൽഹിയിൽ നടന്ന ചടങ്ങിൽ കേന്ദ്രമന്ത്രി വിജയ് ഗോയ ലിൽ നിന്നും ദാലർ മെഹന്ദി ബി.ജെ.പി അംഗത്വം സ്വീകരിച്ചു. ചടങ്ങിൽ പാർട്ടി ഡൽഹി അധ്യക്ഷൻ മനോജ് തിവാരി, വടക്ക് പടിഞ്ഞാറൻ ഡൽഹി സ്ഥാനാർഥി ഹൻസ് രാജ് ഹൻസ്, ചാന്ദ്നി ചൗക് സ്ഥാനാർഥി ഹർഷ് വർദ്ധൻ എന്നിവർ പങ്കെടുത്തു.
2013ൽ ഡൽഹി നിയമസഭ തെരഞ്ഞെടുപ്പിന് തൊട്ടു മുമ്പായാണ് ദാലര്‍ മെഹന്ദി കോണ്‍ഗ്രസ് അംഗത്വം നേടിയത്. ദാലർ മെഹന്ദി ഈണമിട്ട തകര്‍പ്പന്‍ ഗാനങ്ങള്‍ തെരഞ്ഞെടുപ്പ് പ്രചാരണത്തിനായി കോൺഗ്രസ് ഉപയോഗിച്ചിരുന്നു. കൂടാതെ മെഹന്ദി കോണ്‍ഗ്രസിനായുള്ള പ്രചാരണത്തിന് നേരിട്ടിറങ്ങുകയും ചെയ്തിരുന്നു.
പോപ്പ് ഗായകനായ മെഹന്ദി നിരവധി ബോളിവുഡ് സിനിമകൾക്കായും പാടിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.