ന്യൂഡൽഹി: 24 മണിക്കൂറിനിടെ ഇന്ത്യയിൽ കോവിഡ് സ്ഥിരീകരിച്ചത് 1076 പേർക്ക്. ഇതോടെ ആകെ രോഗികളുടെ എണ്ണം 13,835 ആയി. ഇന്ത്യയിലാകെ ഇന്ന് 32 പേരാണ് കോവിഡ് ബാധിച്ച് മരിച്ചത്. മരിച്ചവരുടെ എണ്ണം 452 ആയി.
കോവിഡ് വ്യാപന തോത് കുറഞ്ഞിട്ടുണ്ടെന്ന് ആരോഗ്യ വിഭാഗം ജോയിൻറ് സെക്രട്ടറി ലാവ് അഗർവാർ പറഞ്ഞു. ലോക്ഡൗൺ കോവിഡ് വ്യാപനം കുറച്ചിട്ടുണ്ടെന്നും അദ്ദേഹം പറഞ്ഞു.
1766 പേർക്ക് കോവിഡ് ഭേദമായിട്ടുണ്ട്. 11,616 രോഗികളാണ് നിലവിൽ നിരീക്ഷണത്തിലുള്ളത്.
മഹാരാഷ്ട്രയിൽ 34 കോവിഡ് കേസ് കൂടി സ്ഥിരീകരിച്ചതോടെ ആകെ രോഗികളുടെ എണ്ണം 3236 ആയി. ഡൽഹിയിൽ ആകെ 1646 പേർക്കാണ് കോവിഡ് ബാധിച്ചത്.
കർണാടകയിൽ 38 പേർക്ക് പുതിയതായി േകാവിഡ് സ്ഥിരീകരിച്ചു. ഇവിടെ ആകെ രോഗികളുടെ എണ്ണം 353 ആയി. തെലങ്കാനയിൽ 66 പേർക്ക് കൂടി കോവിഡ് സ്ഥിരീകരിച്ചതോടെ ആകെ രോഗബാധിതർ 562 ആയി.
അതേസമയം, കേരളത്തിൽ ഇന്ന് ഒരാൾക്ക് മാത്രമാണ് കോവിഡ് സ്ഥിരീകരിച്ചത്. 10 പേർ രോഗമുക്തി നേടുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.