Posted On
date_range Updated On
date_range രോഗവ്യാപനം: ഇന്ത്യ ഏഷ്യയിൽ ഒന്നാമത്
ന്യൂഡൽഹി: കോവിഡ് അതിവേഗം വ്യാപിക്കുന്ന ഏഷ്യൻ രാജ്യങ്ങളിൽ ഇന്ത്യ ഒന്നാമത്. ബുധനാഴ്ച രാവിലെ എട്ടര വരെയുള്ള 24 മണിക്കൂറിനുള്ളിൽ 5,611 പേർക്കാണ് രോഗം സ്ഥിരീകരിച്ചത്. പ്രതിദിന രോഗവ്യാപനത്തിൽ ഏഷ്യയിൽ രണ്ടാമത് സൗദി അറേബ്യയാണ്. 2,509 പേർ. ഇറാൻ(2,111) പാകിസ്താൻ(1,841) ഖത്തർ(1,637) ബംഗ്ലാദേശ്(1,251) കുവൈത്ത്(1,073) എന്നിവയാണ് പ്രതിദിനം ആയിരത്തിലേറെ പേർ രോഗബാധിതരാകുന്ന ഏഷ്യൻ രാജ്യങ്ങൾ.
ഇതിൽ പാകിസ്താനും ബംഗ്ലാദേശും ഇന്ത്യയുടെ അയൽരാജ്യങ്ങളാണെന്നത് ഇന്ത്യൻ വൻകരയെ തന്നെ കോവിഡ് സാരമായി ബാധിക്കുമെന്ന ഭീതിയുയർത്തുന്നു. 24 മണിക്കൂറിലെ മരണവും ഇന്ത്യയിലാണ് കൂടുതൽ. 146 പേർ മരണത്തിന് കീഴടങ്ങി. 62 പേർ മരിച്ച ഇറാനാണ് രണ്ടാമത്. പാകിസ്താൻ(36) ഇന്തോനേഷ്യ(30) ബംഗ്ലാദേശ്(21) ജപ്പാൻ(19) എന്നീ രാജ്യങ്ങളാണ് പ്രതിദിന മരണം രണ്ടക്കം തൊട്ടത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.