മുംബൈ: കോവിഡ് ബാധിച്ച് മലയാളി മുംബൈയിൽ മരിച്ചു. നവിമുംബൈ, കോപർഖർണെയിൽ താമസിച്ചിരുന്ന തൃശൂർ, മാള സ്വദേശി പി.ജി. ഗംഗാധരൻ (71) ആണ് തിങ്കളാഴ്ച രാത്രി മരിച്ചത്. എം.ജി.എം ആശുപത്രിയിൽ ഡയാലിസിസ് ചെയ്തുകൊണ്ടിരിക്കുകയായിരുന്നു. ഇതിനിടെയാണ് കോവിഡ് സ്ഥിരീകരിച്ചത്.
തിങ്കളാഴ്ച രാത്രി 11ഒാടെ മരിച്ചു. ചികിത്സ വൈകിയതാണ് മരണത്തിന് കാരണമായതെന്ന് ആരോപണമുണ്ട്. ന്യൂമുംബൈ അയ്യപ്പ മിഷൻ ഭരണസമിതി അംഗമായിരുന്നു. ഭാര്യ ജയ. ജിഗേഷ്, ജിഗി എന്നിവർ മക്കളും സൂര്യ ജിഗേഷ്, വിവേക് വിജയകുമാർ എന്നിവർ മരുമക്കളുമാണ്. നഗരത്തിൽ കോവിഡ് ബാധിച്ച് മരിക്കുന്ന എട്ടാമത്തെ മലയാളിയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.