മനഃസാക്ഷി പറഞ്ഞു, വന്നു -കമൽ ഹാസൻ

ഭാരത് ജോഡോ യാത്രയിൽ പങ്കെടുക്കുന്നതും രാഹുലിനൊപ്പം നടക്കുന്നതുമൊക്കെ രാഷ്ട്രീയ പിഴവായിരിക്കുമെന്നാണ് തുടക്കത്തിൽ പലരും എന്നോടുപറഞ്ഞത്. സ്വയം ചോദിച്ചു. രാജ്യത്തെ തകർക്കാനല്ല, ഒന്നിപ്പിക്കാനേ സഹായിക്കൂ എന്ന് മനഃസാക്ഷി പറഞ്ഞു.

ഇന്ത്യക്കാരൻ എന്ന നിലയിലാണ് ഈ വേദിയിൽ നിൽക്കുന്നത്. എന്നെ രാജ്യം ആവശ്യപ്പെടുന്ന സമയം ഇതാണ്. എന്‍റെ പിതാവ് കോൺഗ്രസുകാരനായിരുന്നു. എനിക്ക് പല ആശയധാരകളുണ്ട്. സ്വന്തമായി രാഷ്ട്രീയപാർട്ടി തുടങ്ങി.

പക്ഷേ, രാജ്യത്തിന്‍റെ കാര്യം വരുമ്പോൾ പാർട്ടിയുടെ അതിർവരമ്പുകൾ നേർത്തുപോകണം. അതുകൊണ്ട് രാഷ്ട്രീയ വേർതിരിവുകൾ മാറ്റിവെച്ച് ഇവിടെ വന്നു -രാഹുലിനൊപ്പം ചെങ്കോട്ടയിലെ വേദിയിൽ പ്രസംഗിച്ച കമൽ ഹാസൻ പറഞ്ഞു.