Posted On
date_range Updated On
date_range തമിഴ്നാട്ടിലെ തിരുപ്പൂരിൽ വാഹനാപകടം; അഞ്ച് മരണം, ഒരാളുടെ നില ഗുരുതരം
തിരുപ്പൂർ: തമിഴ്നാട്ടിലെ തിരുപ്പൂരിലുണ്ടായ വാഹനാപകടത്തിൽ അഞ്ച് മരണം. ഒരാൾക്ക് പരിക്കേറ്റു. ചന്ദ്രശേഖർ (60), ഭാര്യ ചിത്ര (57), മൂന്ന് വയസുള്ള കുഞ്ഞ് അടക്കമുള്ളവരാണ് മരിച്ചത്.
മരിച്ചവർ ഒരു കുടുംബത്തിലെ അംഗങ്ങളാണ്. ഇതിൽ മൂന്ന് സ്ത്രീകളും ഉൾപ്പെടുന്നു. ഗുരുതര പരിക്കേറ്റയാളെ തിരുപ്പൂരിലെ ആശുപത്രിയിൽ പ്രവേശിപ്പിച്ചു.
ഹോണ്ടാ സിറ്റി കാറും തമിഴ്നാട് ആർ.ടി.സി ബസും നേർക്കുനേർ കൂട്ടിയിടിച്ചാണ് അപകടം. കാറിൽ ആറു പേരാണ് യാത്ര ചെയ്തിരുന്നത്. ചന്ദ്രശേഖരന്റെ അറുപതാം ജന്മദിനവുമായി ബന്ധപ്പെട്ട് നടത്തിയ യാത്രക്ക് ശേഷം തിരികെ വരുകയായിരുന്നു സംഘം.
അപകടത്തെ തുടർന്ന് കോയമ്പത്തൂർ -തിരിച്ചറിപ്പള്ള ദേശീയപാതയിൽ വാഹന ഗതാഗതം നാലു മണിക്കൂർ തടസപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.