കോയമ്പത്തൂരിൽ അപകടത്തിൽപെട്ട ബംഗളൂരുവിലേക്കുള്ള സ്വകാര്യ ബസ്
ബംഗളൂരു: തമിഴ്നാട്ടിൽ നിന്നും ബംഗളൂരുവിലേക്ക് വരികയായിരുന്ന സ്വകാര്യ ബസ് നിയന്ത്രണംവിട്ടു മറിഞ്ഞ് നിരവധി പേർക്ക് പരിക്ക്. സോന ട്രാവൽസിന്റെ ബസാണ് കോയമ്പത്തൂരിലെ നീലാംബൂരിൽ മറിഞ്ഞത്.
ബുധനാഴ്ച പുലർച്ചെ രണ്ടുമണിയോടെയാണ് അപകടം. സ്ത്രീകളടക്കം 33ഓളം യാത്രക്കാരാണ് ഉണ്ടായിരുന്നത്. എല്ലാവരും ഉറക്കത്തിലായിരുന്ന സമയത്തായിരുന്നു സംഭവം. റോഡിൽ നിന്ന് താഴ്ചയിലേക്ക് മറിയുകയായിരുന്നു. അമിത വേഗതയാണ് അപകടകാരണമെന്ന് യാത്രക്കാർ പറഞ്ഞു.
എറണാകുളത്ത് നിന്ന് ബംഗളൂരുവിലേക്കുള്ള നിരവധി യാത്രക്കാർ ബസിലുണ്ടായിരുന്നു. തലക്കും കൈക്കും പരിക്കേറ്റ നിരവധിപേരെ കോയമ്പത്തൂരിലെ റോയൽ കെയർ ആശുപത്രിയിൽ പ്രവേശിപ്പിച്ചു. ബുധനാഴ്ച രാവിലെ എട്ടുമണിയോടെ ബംഗളൂരു മടിവാളയിൽ എത്തേണ്ടിയിരുന്ന ബസാണിത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.