ബംഗളൂരു: നഗരത്തിൽ യുവതിയെ പീഡിപ്പിച്ച് നഗ്ന ചിത്രങ്ങളെടുത്ത ഒല ഡ്രൈവർ അറസ്റ്റിൽ. ബംഗളൂരു വിമാനത്താവളത്തിലേക്കുള്ള യാത്രക്കിടെയാണ് 26കാരിയായ യുവതിക്ക് ഡ്രൈവറിൽ നിന്ന് ദുരനുഭവമുണ്ടായത്. യുവതിയുടെ പരാതിയുടെ അടിസ്ഥാനത്തിലാണ് ഡ്രൈവറെ പൊലീസ് അറസ്റ്റ് ചെയ്തത്.
ജൂൺ ഒന്നിന് ബംഗളൂരുവിൽ നിന്ന് മുംബൈയിലേക്കുള്ള വിമാന യാത്രക്കായാണ് യുവതി അതിരാവിലെ ഒല ടാക്സി വിളിച്ചത്. യാത്രക്കിടെ ടാക്സി ഡ്രൈവർ വഴിമാറി വാഹനമോടിച്ചത് യുവതി ചോദ്യം ചെയ്തുവെങ്കിലും എളുപ്പത്തിലുള്ള വഴി ഇതെന്നായിരുന്നു ഡ്രൈവറുടെ മറുപടി. പിന്നീട് വിജനമായ സ്ഥലത്തെത്തിയപ്പോൾ യുവതിയെ പീഡിപ്പിക്കുകയും നഗ്ന ചിത്രങ്ങൾ എടുക്കുകയുമായിരുന്നു.
ശബ്ദമുണ്ടാക്കാൻ ശ്രമിച്ചാൽ കൂടുതൽ പേരെ വിളിച്ച് കൂട്ടബലാൽസംഘത്തിന് ഇരയാക്കുമെന്നും ഇയാൾ യുവതിയെ ഭീഷണിപ്പെടുത്തി. പിന്നീട് യുവതിയുടെ നഗ്നങ്ങൾ ചിത്രങ്ങൾ വാട്സ് ആപിലുടെ പ്രചരിപ്പിക്കുകയും ചെയ്തു. സംഭവത്തിന് ശേഷം യുവതി നൽകിയ ഇമെയിൽ പരാതിയുടെ അടിസ്ഥാനത്തിൽ ബംഗളൂരു പൊലീസ് കേസെടുക്കുകയും പ്രതിയെ മൂന്ന് മണിക്കൂറിനകം പിടികൂടുകയുമായിരുന്നു. പൊലീസ് വെരിഫിക്കേഷൻ ഇല്ലാത്ത ഡ്രൈവറെ നിയമിച്ചതിന് ഒലയോടും ബംഗളൂരു പൊലീസ് വിശദീകരണം തേടിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.