ന്യൂഡൽഹി: ജനിതകമാറ്റം സംഭവിച്ച കൊറോണ വൈറസ് ഭീതിക്കിടെ 246 യാത്രക്കാരുമായി യു.കെയിൽ നിന്ന് എയർ ഇന്ത്യ വിമാനം വെള്ളിയാഴ്ച ഡൽഹിയിലെത്തും. കൊറോണ വൈറസ് ഭീതിയെ തുടർന്ന് നിർത്തിവെച്ച വിമാനസർവീസുകൾ കേന്ദ്രസർക്കാർ ഇന്നാണ് പുനഃരാരംഭിക്കുന്നത്. ഇതിന്‍റെ ഭാഗമായാണ് യു.കെയിൽ നിന്ന് ആദ്യവിമാനം ഡൽഹിയിൽ എത്തുന്നത്.
വിമാനസർവിസ് പുനഃരാരംഭിക്കുന്നതോടെ പ്രതിദിനം 30 വിമാനങ്ങളാണ് സർവീസ് നടത്തുക. യു.കെ, ഇന്ത്യൻ വിമാന കമ്പനികളുടെ വിമാന സർവീസുകളുണ്ടാവും. യു.കെയിൽ നിന്ന് ഡൽഹിയിലെത്തി മറ്റ് വിമാനങ്ങളിൽ നാട്ടിലേക്ക് മടങ്ങുന്നവർക്ക് വിമാനത്താവളം അധികൃതർ പ്രത്യേക നിർദേശം പുറത്തിറക്കി. ഇത്തരത്തിൽ മടങ്ങുന്നവർ 10 മണിക്കൂറിന്‍റെയെങ്കിലും ഇടവേളയിൽ മാത്രമേ നാട്ടിലേക്കുള്ള മടക്കവിമാനം ബുക്ക് ചെയ്യാവുയെന്നാണ് അധികൃതരുടെ നിർദേശം.
യു.കെയിൽ ജനിതകമാറ്റം സംഭവിച്ച കൊറോണ വൈറസിനെ കണ്ടെത്തിയതിനെ തുടർന്ന് ഡിസംബർ 23മുതൽ യു.കെയിലേക്കുള്ള വിമാനസർവീസുകൾ നിർത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.