ന്യൂഡൽഹി: ബോളിവുഡ് താരം സുശാന്ത് സിങ് രാജ്പുത്തിൻെറ മരണവുമായി ബന്ധപ്പെട്ട മയക്കുമരുന്ന് കേസിൽ അറസ്റ്റിലായ നടിയും കാമുകിയുമായ റിയ ചക്രബർത്തിയുടെ ജാമ്യാപേക്ഷ കോടതി തള്ളി. റിയയുടെ സഹോദരൻ ശൗവിക് ചക്രബർത്തിയുടെയും അറസ്റ്റിലായ മറ്റള്ളവരുടെയും ജാമ്യാപേക്ഷ മുംബൈ കോടതി തള്ളിയിട്ടുണ്ട്.
സെപ്റ്റംബർ 22 വരെ റിയ ജയിലിൽ കഴിയേണ്ടിവരും. താൻ ഒരു കുറ്റവും ചെയ്തിട്ടില്ലെന്നും കേസിൽ തന്നെ തെറ്റായി പ്രതി ചേർത്തതാണെന്നുമായിരുന്നു റിയയുടെ വാദം. കുറ്റസമ്മതം നടത്താൻ ഉദ്യോഗസ്ഥർ നിർബന്ധിച്ചതായും ജുഡീഷ്യൽ കസ്റ്റഡിയിൽ തൻെറ ജീവൻ അപകടത്തിലാെണന്നും ജാമ്യാപേക്ഷയിൽ വാദിച്ചു. അന്വേഷണം മാനസികമായി ഏറെ തകർത്തു. കുറ്റസമ്മതമെല്ലാം താൻ പിൻവലിച്ചതായും റിയയുടെ ജാമ്യാപേക്ഷയിൽ പറഞ്ഞിരുന്നു.
കേസിൽ ചൊവ്വാഴ്ചയാണ് റിയയെ നാർക്കോട്ടിക്സ് കൺട്രോൾ ബ്യൂറോ അറ്സറ്റ് ചെയ്തത്. നേരത്തേ മജിസ്ട്രേറ്റ് കോടതിയിൽ ജാമ്യാപേക്ഷ നൽകിയെങ്കിലും തള്ളിയിരുന്നു. ഇതിനുപിന്നാലെയായിരുന്നു പുതിയ ജാമ്യാപേക്ഷ. ബൈക്കുളയിലെ വനിത ജയിലിലാണ് റിയ കഴിയുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.