2000 രൂപ നോട്ട്: ഇനിയും തിരിച്ചുവരാതെ 7,581 കോടി

മും​​ബൈ: നി​രോ​ധി​ച്ച 2000 രൂ​പ​യു​ടെ നോ​ട്ട് 97.87 ശ​ത​മാ​ന​വും തി​രി​ച്ചെ​ത്തി​യ​താ​യി റി​സ​ർ​വ് ബാ​ങ്ക് ഓ​ഫ് ഇ​ന്ത്യ (ആ​ർ.​ബി.​ഐ). ജൂ​ൺ 28 വ​രെ​യു​ള്ള ക​ണ​ക്കു​പ്ര​കാ​രം 7,581 കോ​ടി രൂ​പ​യു​ടെ നോ​ട്ടു​ക​ളാ​ണ് ഇ​നി തി​രി​ച്ചെ​ത്താ​നു​ള്ള​ത്. നോ​ട്ടു​ക​ൾ മാ​റ്റി​യെ​ടു​ക്കാ​ൻ ഇ​നി​യും സാ​ധി​ക്കു​മെ​ന്നും ആ​ർ.​ബി.​ഐ അ​റി​യി​ച്ചു. ക​ഴി​ഞ്ഞ​വ​ർ​ഷം മേ​യ് 19ന് ​നോ​ട്ട് പി​ൻ​വ​ലി​ക്കു​ന്ന ഘ​ട്ട​ത്തി​ൽ 2000ത്തി​ന്റെ 3.56 ല​ക്ഷം കോ​ടി രൂ​പ​യു​ടെ നോ​ട്ടു​ക​ളാ​ണ് വി​നി​മ​യ​ത്തി​ൽ ഉ​ണ്ടാ​യി​രു​ന്ന​ത്.

2023 ഒ​ക്‌​ടോ​ബ​ർ ഏ​ഴു​വ​രെ എ​ല്ലാ ബാ​ങ്ക് ശാ​ഖ​ക​ളി​ലും 2000 രൂ​പ നോ​ട്ടു​ക​ൾ നി​ക്ഷേ​പി​ക്കാ​നോ മാ​റ്റാ​നോ ഉ​ള്ള സൗ​ക​ര്യം അ​നു​വ​ദി​ച്ചി​രു​ന്നു. ആ​ർ.​ബി.​ഐ​യു​ടെ ഇ​ഷ്യൂ ഓ​ഫി​സു​ക​ൾ വ​ഴി​യും ത​പാ​ൽ മാ​ർ​ഗ​വും ഇ​പ്പോ​ഴും നോ​ട്ടു​ക​ൾ മാ​റി​യെ​ടു​ക്കാം. അ​ഹ്മ​ദാ​ബാ​ദ്, ബം​ഗ​ളൂ​രു, ബേ​ലാ​പു​ർ, ഭോ​പാ​ൽ, ഭു​വ​നേ​ശ്വ​ർ, ഛണ്ഡി​ഗ​ഢ്, ചെ​ന്നൈ, ഗു​വാ​ഹ​തി, ഹൈ​ദ​രാ​ബാ​ദ്, ജ​യ്പു​ർ, ജ​മ്മു, കാ​ൺ​പു​ർ, കൊ​ൽ​ക്ക​ത്ത, ല​ഖ്‌​നോ, മും​ബൈ, നാ​ഗ്പു​ർ, ഡ​ൽ​ഹി, പ​ട്‌​ന, തി​രു​വ​ന​ന്ത​പു​രം എ​ന്നി​വി​ട​ങ്ങ​ളി​ലെ 19 ആ​ർ.​ബി.​ഐ ഓ​ഫി​സു​ക​ൾ വ​ഴി ബാ​ങ്ക് നോ​ട്ടു​ക​ൾ മാ​റ്റാ​നാ​കും.