ഉത്തർപ്രദേശിൽ ട്രക്കുമായി കൂട്ടിയിടിച്ച്​ ബസിന്​ തീപിടിച്ചു; 20 മരണം

ലഖ്​നോ: ഉത്തർപ്രദേശിൽ ട്രക്കുമായി കൂട്ടിയിടിച്ച്​ ബസിന്​ തീപിടിച്ച്​ 20 പേർ മരിച്ചു. കനൗജ്​ ജില്ലയിൽ വെള്ളിയ ാഴ്​ച വൈകീട്ടാണ്​ സംഭവം. 21 പേരെ പരിക്കുകളോടെ രക്ഷപ്പെടുത്തി. 41 യാത്രികരാണ്​ ബസിലുണ്ടായിരുന്നത്​.

ജയ്​പൂരിലേക്ക്​ പോയ സ്ലീപ്പർ പ്രൈവറ്റ്​ ബസും ട്രക്കുമാണ്​ കൂടിയിടിച്ചത്​. നാല്​ ഫയർ എൻജിൻ യൂനിറ്റുകൾ 40 മിനിട്ട്​ പരിശ്രമിച്ചാണ്​ തീയണച്ചത്​. രക്ഷപ്പെടുത്തിയ 21 പേരും അപകടനില തരണം ചെയ്​തുവെന്ന്​ പൊലീസ്​ ഇൻസ്​പെക്​ടർ ജനറൽ മോഹിത്​ അഗർവാൾ പറഞ്ഞു.

കനൗജിലെ ബസ്​ അപകടം ദുഃഖമുണ്ടാക്കുന്നതാണെന്ന്​ പ്രധാനമന്ത്രി നരേന്ദ്രമോദി പ്രതികരിച്ചു. മരിച്ചവരുടെ കുടുംബങ്ങൾക്ക്​ അനുശോചനം അറിയിക്കുന്നു. പരിക്കേറ്റവർ എത്രയും പെ​ട്ടെന്ന്​ സുഖം പ്രാപിക്ക​ട്ടെയെന്നും മോദി പറഞ്ഞു.