പഞ്ചാബ് നിയമസഭയിൽ ഡോക്ടർമാരുടെ പൊടിപൂരം

ച​ണ്ഡീ​ഗ​ഡ്: പ​ഞ്ചാ​ബ് നി​യ​മ​സ​ഭ​യി​ൽ ഇ​ത്ത​വ​ണ 13 ഡോ​ക്ട​ർ​മാ​ർ. ഇ​തി​ൽ പ​ത്തു​പേ​രും 'ആം ​ആ​ദ്മി പാ​ർ​ട്ടി'​യി​ൽ നി​ന്നു​ള്ള​വ​രാ​ണ്. 'ആ​പ്' ഡ​ൽ​ഹി​യി​ലെ ആ​രോ​ഗ്യ​മേ​ഖ​ല​യി​ൽ ന​ട​ത്തി​യ പ​രി​ഷ്കാ​ര​ങ്ങ​ൾ പ​ഞ്ചാ​ബി​ലും ന​ട​പ്പാ​ക്ക​ണ​മെ​ന്ന് പ​ഞ്ചാ​ബി​ലെ മ​ലൗ​ടി​ൽ നി​ന്ന് വി​ജ​യി​ച്ച ഡോ. ​ബ​ൽ​ജി​ത് കൗ​ർ പ​റ​ഞ്ഞു.

ഇ​വി​ടെ എ​സ്.​എ.​ഡി സ്ഥാ​നാ​ർ​ഥി​യെ ആ​ണ് 40,261 വോ​ട്ടി​ന്റെ ഭൂ​രി​പ​ക്ഷം നേ​ടി ബ​ൽ​ജി​ത് കൗ​ർ പ​രാ​ജ​യ​പ്പെ​ടു​ത്തി​യ​ത്. വ​ലി​യ തോ​തി​ൽ ഡോ​ക്ട​ർ​മാ​ർ രാ​ഷ്ട്രീ​യ​ത്തി​ൽ എ​ത്തി​യ​ത് ന​ല്ല മാ​റ്റ​മാ​ണെ​ന്ന് ഈ ​സാ​മാ​ജി​ക​ർ ക​രു​തു​ന്നു.

മു​ഖ്യ​മ​ന്ത്രി ച​ര​ൺ​ജി​ത് സി​ങ് ച​ന്നി​യെ തോ​ൽ​പി​ച്ച ച​ര​ൺ​ജി​ത് സി​ങ്ങും ഡോ​ക്ട​റാ​ണ്. 2017ലെ ​തെ​ര​ഞ്ഞെ​ടു​പ്പി​ൽ ഇ​ദ്ദേ​ഹം ച​ന്നി​യോ​ട് പ​രാ​ജ​യ​പ്പെ​ട്ടി​രു​ന്നു. ഇ​ത്ത​വ​ണ പ​ക​രം വീ​ട്ടി. ആ​രോ​ഗ്യ​മേ​ഖ​ല​യി​ലെ അ​ടി​സ്ഥാ​ന സൗ​ക​ര്യ​ങ്ങ​ൾ വ​ർ​ധി​പ്പി​ക്കേ​ണ്ട​ത് അ​നി​വാ​ര്യ​മാ​ണെ​ന്ന് അ​ദ്ദേ​ഹം പ​റ​ഞ്ഞു.

പ​ഞ്ചാ​ബി ഗാ​യ​ക​നും കോ​ൺ​ഗ്ര​സ് സ്ഥാ​നാ​ർ​ഥി​യു​മാ​യ ശു​ഭ്ദീ​പ് സി​ങ് സി​ദ്ദു മൂ​സ​വാ​ല​യെ മ​ൻ​സ മ​ണ്ഡ​ല​ത്തി​ൽ 63,000ത്തി​ൽ പ​രം വോ​ട്ടി​ന് തോ​ൽ​പി​ച്ച 'ആ​പി'​ന്റെ വി​ജ​യ് സിം​ഗ്ല ഡെ​ന്റി​സ്റ്റ് ആ​ണ്. ച​ബ്ബേ​വാ​ൽ മ​ണ്ഡ​ല​ത്തി​ൽ​നി​ന്ന് വീ​ണ്ടും തെ​ര​ഞ്ഞെ​ടു​ക്ക​പ്പെ​ട്ട കോ​ൺ​ഗ്ര​സ് സ്ഥാ​നാ​ർ​ഥി രാ​ജ്കു​മാ​ർ ച​ബ്ബേ​വാ​ലും ഡോ​ക്ട​ർ ആ​ണ്. ആ​രോ​ഗ്യ മേ​ഖ​ല​യി​ൽ വ​ലി​യ പ്ര​വ​ർ​ത്ത​ന​ങ്ങ​ൾ ന​ട​ത്തേ​ണ്ട ഇ​ന്ത്യ​യി​ൽ ഈ ​രം​ഗ​ത്തു​ള്ള​വ​ർ രാ​ഷ്ട്രീ​യ​ത്തി​ലേ​ക്ക് വ​രു​ന്ന​ത് ഗു​ണ​ക​ര​മാ​കു​മെ​ന്ന് ച​ബ്ബേ​വാ​ൽ പ​റ​ഞ്ഞു. 'ആ​പി'​ന്റെ മ​റ്റൊ​രു ഡോ​ക്ട​ർ എം.​എ​ൽ.​എ അ​മ​ൻ​ദീ​പ് കൗ​ർ അ​റോ​റ യു​ക്രെ​യ്നി​ൽ നി​ന്ന് എം.​ബി.​ബി.​എ​സ് ക​ഴി​ഞ്ഞ ആ​ളാ​ണ്.