അതൊരു ഒന്നൊന്നര വരവായിരിക്കുമെന്ന് ഉറപ്പായിരുന്നു. ആ പ്രതീക്ഷകൾ തെറ്റിയില്ല. ചിലർ വരുേമ്പാൾ ചരിത്രം പോലും വഴിമാറും. അതാണ് റോൾസ് റോയ്സ് കള്ളിനാെൻറ കാര്യത്തിലും സംഭവിച്ചത്. ആഗോള എസ്.യു.വി വിപണിയിൽ കള്ളിനാൻ പുതുയൊരു അധ്യായം എഴുതിച്ചേർക്കുമെന്ന കാര്യത്തിൽ സംശയമില്ല. റേഞ്ച് റോവറും, ടോയോട്ടയും ഉൾപ്പടെയുള്ള ആഗോള ഭീമൻമാർ കരുതിയിരിക്കണമെന്ന മുന്നറിയിപ്പ് നൽകുന്നതാണ് കള്ളിനാെൻറ വരവ്.
ആൾ വീൽ ഡ്രൈവ് സിസ്റ്റത്തിൽ 6.75 ലിറ്റർ ട്വിൻ ടർബോ വി 12 എൻജിനാണ് കള്ളിനാനെ ചലിപ്പിക്കുന്നത്. 563 എച്ച്.പി കരുത്തും 627 എൽ.ബി.എസ് ടോർക്കും എൻജിനിൽ നിന്ന് ലഭിക്കും. കരുത്തിനൊപ്പം ആഡംബരവും കൂടി ഉൾക്കൊള്ളിച്ചാണ് എസ്.യു.വിയുടെ ഡിസൈൻ നിർവഹിച്ചിരിക്കുന്നത്. പിൻവശത്തെ സീറ്റുകളെ വേർതിരിക്കുന്നതിനായി സെൻറർ കൺസോൾ നൽകിയിട്ടുണ്ട്. ബോട്ടിൽ ഹോൾഡേഴ്സ് ഉൾപ്പടെയുള്ള സൗകര്യങ്ങളാണ് സെൻറർ കൺസോളിൽ ഉള്ളത്. എളുപ്പത്തിൽ കാറിനുള്ളിലേക്ക് കടക്കാവുന്ന രീതിയിലാണ് കള്ളിനാെൻറ രൂപകൽപ്പന. ചൂടാക്കാൻ കഴിയുന്ന സ്റ്റിയറിങ് വീലും സീറ്റുകളും ഇൻറീരിയറിൽ നൽകിയിട്ടുണ്ട്.
ടച്ച് സ്ക്രീൻ ഇൻഫോടെയിൻമെൻറ് സിസ്റ്റം, വയർലെസ്സ് ചാർജിങ്, അഞ്ച് യു.എസ്.ബി പോർട്ട്, വൈ-ഫൈ ഹോട്ട് സ്പോട്ട്, മുൻ വശത്തെ സീറ്റുകൾക്ക് പിന്നിലുള്ള ഡിസ്പ്ലേ എന്നിങ്ങനെ ആഡംബരം ആവോളമുണ്ട് റോൾസ് റോയ്സിൽ. സുരക്ഷയുടെ കാര്യത്തിലും റോൾസ് റോയ്സ് വിട്ടുവീഴ്ചക്ക് തയാറല്ല. ഏത് ഇരുട്ടത്തും കാണുന്ന കാമറകൾ, വാഹനമൊന്ന് ലൈനിൽ നിന്ന് മാറിയാൽ മുന്നറിയിപ്പ് നൽകുന്ന സംവിധാനം എന്നിവയെല്ലാം റോൾസ് റോയ്സ് സുരക്ഷക്കായി കാറിൽ ഉൾക്കൊള്ളിച്ചിട്ടുണ്ട്. പിൻവശത്ത് 22 ക്യൂബിക് ഫീറ്റിെൻറ സ്റ്റോറേജും നൽകിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.