ട്രാഫിക് നിയമങ്ങൾ ലംഘിച്ചെത്തിയ ബൈക്ക് യാത്രികനെ ഇടിച്ച് തെറിപ്പിച്ച് ഇന്നോവ. ഹൈദരാബാദ് ദുർഗ നഗറിൽ നടന്ന അപകടത്തിന്റെ ദൃശ്യങ്ങൾ സൈബർബാദ് പൊലീസാണ് സമൂഹമാധ്യമങ്ങളിലൂടെ പങ്ക് വെച്ചത്. റോങ് സൈഡിലൂടെ ഹെൽമെറ്റില്ലാതെ വരുന്ന ബൈക്ക് യാത്രികനെ കാർ ഇടിച്ച് തെറിപ്പിക്കുന്നതാണ് വിഡിയോയിലുള്ളത്.
അപകടം ഒഴിവാക്കാനായി ഇരുവരും വാഹനം വെട്ടിച്ചുമാറ്റാൻ ശ്രമിച്ചെങ്കിലും ഫലമുണ്ടായില്ല. ഹെൽമറ്റ് വെക്കാത്തതിനാൽ ബൈക്ക് യാത്രികന് തലക്ക് ഗുരുതരമായി പരിക്കേറ്റെന്നാണ് വിവരം. അതേസമയം, അപകടത്തിൽ ഇരുവരും ഒരുപോലെ കുറ്റക്കാർ ആണെന്നാണ് പൊലീസ് പറയുന്നത്.
'അപകടത്തിന്റെ വിഡിയോ ആദ്യം കാണുമ്പോൾ ബൈക്ക് യാത്രികന്റെ കുറ്റം മാത്രമാണെന്നാണ് കരുതുക. എന്നാൽ, ജങ്ഷനിലേക്ക് അമിതവേഗത്തിലാണ് ഇന്നോവ എത്തിയത്. കാർ ഡ്രൈവർ വേഗത കുറച്ചിരുന്നെങ്കിൽ അപകടം ഒഴിവാക്കാമായിരുന്നു- പൊലീസ് പറയുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.