ഹുസ്ക്വർന സ്വാത്പിലിൻ 125 സിസി അന്താരാഷ്ട്ര വിപണിയിൽ അവതരിപ്പിച്ചു. കെടിഎം 125 ഡ്യൂക്കിനെ അടിസ്ഥാനമാക്കിയുള്ള വാഹനമാണിത്. ഇന്ത്യയിലും വാഹനം ഉടൻ എത്തുമെന്നാണ് പ്രതീക്ഷിക്കപ്പെടുന്നത്. ഉയർന്ന ശേഷിയുള്ള സ്വാത്പിലിൻ 250 പോലെ, 125ഉം അതിന്‍റെ മെക്കാനിക്കൽ ഘടകങ്ങൾ കെടിഎം 125 ഡ്യൂക്കുമായാണ് പങ്കിടുന്നത്. 125 സിസി, ലിക്വിഡ്-കൂൾഡ്, സിംഗിൾ സിലിണ്ടർ എഞ്ചിനാണ് സ്വാത്പിലിന് കരുത്തുനൽകുന്നത്.
14.5 എച്ച്പി കരുത്തും, 12 എൻഎം ടോർക്കും എഞ്ചിൻ ഉത്പാദിപ്പിക്കും. ട്രെല്ലിസ് ഫ്രെയിം, യുഎസ്ഡി ഫോർക്ക്, ക്രമീകരിക്കാവുന്ന മോണോഷോക്ക് എന്നിവയുടെ രൂപത്തിലാണ് മറ്റ് സമാനതകൾ. ഉരുണ്ട എൽ.സി.ഡി ഇൻസ്ട്രുമെന്‍റ് ക്ലസ്റ്ററാണ് വാഹനത്തിന്. നിലവിൽ കെടിഎം 125 ഡ്യൂക്കിന്‍റെ വില 1.5 ലക്ഷം രൂപയാണ്. ഇതിനോടടുത്ത വില തന്നെയാവും ഇന്ത്യയിൽ സ്വാത്പിലിന്. അന്താരാഷ്ട്ര മോഡലിന് വയർ-സ്‌പോക്ക് വീലുകൾ ലഭിക്കുമ്പോൾ, ഈ സവിശേഷത ഇന്ത്യ-സ്പെക്ക് മോഡലിൽ പ്രതീക്ഷിക്കുന്നില്ല. ഇന്ത്യ-സ്പെക്ക് ബൈക്കിൽ ഇടം നേടാത്ത മറ്റൊന്ന് പിറെല്ലി ടയറുകളാണ്. പകരം എം‌ആർ‌എഫ് ടയറുകളുമായി അലോയ് വീലുകൾ അവതരിപ്പിക്കുമെന്ന് പ്രതീക്ഷിക്കുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.