ഷാർജ: സ്കൂൾ, നഴ്സറി വിദ്യാർഥികളുള്ള അമ്മമാർക്ക് വർക്ക് ഫ്രം ഹോം പ്രഖ്യാപിച്ച് ഷാർജ. ഷാർജ ബ്രോഡ്കാസ്റ്റിങ് അതോറിറ്റിയുടെ പ്രതിവാര റേഡിയോ പ്രോഗ്രാമായ ‘ഡയറക്ട് ലൈനിൽ’ മാനവ വിഭവശേഷി സംവിധാന മാനേജ്മെന്റ് ഡയറക്ടർ ഹൈതം സുഹൈലാണ് പ്രഖ്യാപനം നടത്തിയത്. പൊതു, സ്വകാര്യ സ്കൂളുകളിലും നഴ്സറികളിലും പ്രവേശനം നേടിയ കുട്ടികളുടെ അമ്മമാർക്ക് ജോലി ഭാരം ലഘൂകരിക്കുകയാണ് ലക്ഷ്യം. പൊതുമേഖലയിലെ ജീവനക്കാരികളായ അമ്മമാർക്ക് മാത്രമാണ് വ്യവസ്ഥ ബാധകമെന്ന് ഹൈതം സുഹൈൽ അറിയിച്ചു. വിദൂര ജോലി നടപ്പിലാക്കാൻ കഴിയാത്ത പ്രധാന മേഖലകളും വിദൂര ജോലി നടപ്പിലാക്കാൻ കഴിയുന്ന ജോലികളും ഏതൊക്കെയെന്ന് ഡിപാർട്ട്മെന്റുകൾക്ക് തീരുമാനിക്കാമെന്നും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.