ദു​ബൈ വി​മാ​ന​ത്താ​വ​ള​ത്തി​ൽ ‘അ​ൺ​ലി​മി​റ്റ​ഡ് സ്മാ​ർ​ട്ട് ട്രാ​വ​ൽ’ സം​വി​ധാ​നം

ദു​ബൈ: ദു​ബൈ അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലെ യാ​ത്ര​ക്കാ​ർ​ക്ക് കൂ​ടു​ത​ൽ സൗ​ക​ര്യ​വും വേ​ഗ​ത​യും ഉ​റ​പ്പാ​ക്കു​ന്ന പു​തി​യ യാ​ത്രാ സം​വി​ധാ​നം നി​ല​വി​ൽ വ​ന്നു. ‘അ​ൺ​ലി​മി​റ്റ​ഡ് സ്മാ​ർ​ട്ട് ട്രാ​വ​ൽ’ എ​ന്ന് പേ​രി​ട്ടി​രി​ക്കു​ന്ന നൂ​ത​ന പാ​സ്‌​പോ​ർ​ട്ട് നി​യ​ന്ത്ര​ണ സം​വി​ധാ​ന​ത്തി​ലൂ​ടെ കാ​ത്തു​നി​ൽ​പ്പി​ല്ലാ​തെ ഇ​മി​ഗ്രേ​ഷ​ൻ ന​ട​പ​ടി​ക​ൾ അ​തി​വേ​ഗ​ത്തി​ൽ പൂ​ർ​ത്തി​യാ​ക്കാം.

ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് റെ​സി​ഡ​ൻ​സി ആ​ൻ​ഡ് ഫോ​റി​ൻ അ​ഫ​യേ​ഴ്സ് (ജി.​ഡി.​ആ​ർ.​എ​ഫ്.​എ) സം​ഘ​ടി​പ്പി​ച്ച എ.​ഐ കോ​ൺ​ഫ​റ​ൻ​സി​ൽ ഡ​യ​റ​ക്ട​ർ ജ​ന​റ​ൽ ല​ഫ്റ്റ​ന​ന്‍റ്​ ജ​ന​റ​ൽ മു​ഹ​മ്മ​ദ് അ​ഹ്‌​മ​ദ്‌ അ​ൽ മ​ർ​റി​യാ​ണ് ഇ​തു സം​ബ​ന്ധി​ച്ച പ്ര​ഖ്യാ​പ​നം ന​ട​ത്തി​യ​ത്. ആ​ദ്യ​ഘ​ട്ട​ത്തി​ൽ ടെ​ർ​മി​ന​ൽ മൂ​ന്നി​ലെ ഫ​സ്റ്റ്, ബി​സി​ന​സ് ക്ലാ​സ് ലോ​ഞ്ചു​ക​ളി​ലാ​ണ് അ​ത്യാ​ധു​നി​ക സം​രം​ഭം ആ​രം​ഭി​ച്ചി​രി​ക്കു​ന്ന​ത്.

ആ​ർ​ട്ടി​ഫി​ഷ്യ​ൽ ഇ​ന്‍റ​ലി​ജ​ൻ​സ് (എ.​ഐ) സാ​ങ്കേ​തി​ക​വി​ദ്യ ഉ​പ​യോ​ഗി​ച്ച് മു​ഖം തി​രി​ച്ച​റി​യു​ക​യും വ്യ​ക്തി​ഗ​ത വി​വ​ര​ങ്ങ​ൾ ത​ത്സ​മ​യം ഉ​റ​പ്പു​വ​രു​ത്തു​ക​യും ചെ​യ്യു​ന്ന നൂ​ത​ന സം​യോ​ജി​ത സം​വി​ധാ​ന​മാ​ണ് ‘അ​ൺ​ലി​മി​റ്റ​ഡ് സ്മാ​ർ​ട്ട് ട്രാ​വ​ൽ’.

പു​തി​യ സം​വി​ധാ​ന​ത്തി​ലൂ​​ടെ ഒ​രേ സ​മ​യം പ​ത്തു​പേ​ർ​ക്ക് വ​രെ ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കാ​ൻ ക​ഴി​യും. വെ​റും 14 സെ​ക്ക​ൻ​ഡി​നു​ള്ളി​ൽ യാ​ത്രാ​നു​മ​തി ല​ഭി​ക്കും. ഒ​റ്റ​ക്കൊ​റ്റ​ക്ക് പോ​കു​ന്ന​തി​ന് പ​ക​രം ഗ്രൂ​പ്പു​ക​ളാ​യും ഗേ​റ്റ്​ വ​ഴി സു​ഗ​മ​മാ​യി ക​ട​ന്നു​പോ​കാ​ൻ സാ​ധി​ക്കും. ലോ​ഞ്ചു​ക​ളി​ൽ സ്ഥാ​പി​ച്ചി​ട്ടു​ള്ള അ​ത്യാ​ധു​നി​ക കാ​മ​റ​ക​ൾ​ക്ക് ഏ​തു ദി​ശ​യി​ൽ നി​ന്നും മു​ഖം പ​ക​ർ​ത്താ​ൻ ക​ഴി​യും എ​ന്ന​ത് ഇ​തി​ന്‍റെ പ്ര​ധാ​ന പ്ര​ത്യേ​ക​ത​യാ​ണ്.

ഭാ​വി​യി​ൽ യാ​ത്ര​ക്കാ​രു​ടെ എ​ണ്ണ​ത്തി​ൽ എ​ട്ടു​ ശ​ത​മാ​നം വ​രെ വ​ർ​ധ​ന പ്ര​തീ​ക്ഷി​ക്കു​ന്ന​തി​നാ​ൽ ഈ ​പു​തി​യ രീ​തി വ​ള​രെ പ്ര​യോ​ജ​ന​ക​ര​മാ​കു​മെ​ന്ന് അ​ധി​കൃ​ത​ർ അ​റി​യി​ച്ചു. നി​ല​വി​ൽ യാ​ത്ര പു​റ​പ്പെ​ടു​ന്ന​വ​ർ​ക്ക് മാ​ത്ര​മാ​ണ് ഈ ​സേ​വ​നം ല​ഭ്യ​മാ​ക്കി​യി​ട്ടു​ള്ള​തെ​ങ്കി​ലും ഭാ​വി​യി​ൽ വി​മാ​ന​ത്താ​വ​ള​ത്തി​ൽ എ​ത്തു​ന്ന യാ​ത്ര​ക്കാ​ർ​ക്കും ല​ഭ്യ​മാ​ക്കും.